O sábado non haberá mercadillo semanal na Guarda

O tradicional mercadiño suspéndese ao coincidir coa festividade do Pilar

O Concello da Guarda vén de informar a interesados e interesadas que este sábado, día 12 de outubro, non se realizará o mercadillo semanal dos sábados no entorno da Alameda da Guarda, debido á festividade da Virxe do Pilar.

Do mesmo xeito o Concello lembra á veciñanza e visitantes que o Mercado da Praza de Abastos da localidade estará aberto ofertando produtos cárnicos, peixes, froitas e hortalizas en horario de 8:00 h a 14:00 h.