18.4 C
Pontevedra
Luns, 3 de Outubro de 2022
Máis
    HomeA ParadantaCrecenteCrecente reformará a praza Ana Pastor co programa ReacPon da Deputación

    Crecente reformará a praza Ana Pastor co programa ReacPon da Deputación

    O convenio para o proxecto, asinado coa presidenta Carmela Silva, conta cun orzamento de máis de 409.000 € dos que a Deputación achega cerca de 360.000

    “Os plans extraordinarios da Deputación de Pontevedra son moi positivos para concellos pequenos como Crecente. Grazas a eles podemos impulsar actuacións e servizos para asentar poboación”, asegurou o alcalde Julio César García-Luengo na sinatura do convenio coa presidenta Carmela Silva para a recuperación do espazo público para as persoas na praza Ana Pastor e a súa contorna, entre a Igrexa de San Pedro e a estrada de acceso ao núcleo de Crecente. Esta actuación, que apostará pola ampliación do espazo peonil a través da creación dunha plataforma única e da eliminación do tráfico rodado, así como pola eficiencia enerxética, será posible a través dun investimento de 409.008,14 € dos cales a Deputación achega 359.770,45 € no marco do  plan ReacPon.

    A presidenta Carmela Silva amosou a súa satisfacción ao coñecer que os recursos da Deputación van permitir a Crecente “facer unha grande obra, recuperar un espazo máis para as persoas”. “A transformación vai ser total –subliñou-, vai converter a un lugar precioso e con moito patrimonio nun espazo máis desexable e atractivo, máis amable, o que servirá para atraer xente, dinamizando a súa economía, creando emprego e futuro”.  Amais, a presidenta aproveitou para asegurar que “non será posible facer transformación en dixitalización, en transición ecolóxica, en cohesión social e territorial se os concellos non teñen a capacidade de poder xestionar recursos” e instou a “darlle unha volta ao modelo para ter en conta ao mundo local, para que os concellos teñan máis capacidade e recursos para facer fronte a grandes proxectos”. Así, fixo un chamamento ás outras administracións (Europa, o goberno do Estado e Xunta de Galicia) para que “tomen nota. O mundo local é o que mellor coñece a contorna, o que está a demostrar máis capacidade para desenvolver grandes proxectos e, ademais, son grandes xestores xa que son capaces, con poucos recursos materiais, económicos e humanos, de executar en prazo mentres outras administracións devolven recursos”.

    Tamén recordou Carmela Silva que “os recursos do Plan Concellos permiten aos municipios facer fronte aos gastos ordinarios, pero é necesario financiamento extraordinario como o ReacPon ou outros plans extraordinarios que aprobamos anteriormente como os DepoRemse ou Reequilibrio”. E destacou que Crecente recibiu 450.000  € do DepoRemse para a conexión peonil e mellora da seguridade na contorna da residencia de maiores, centro de saúde, colexio e escola infantil, e preto de 370.500 do plan de Reequilibrio para a mellora do pavillón.

    Pola súa banda o alcalde, Julio César García-Luengo, agradeceu o apoio e recursos dos plans da Deputación de Pontevedra “que tanto nos favorecen xa que temos cada vez menos habitantes e se queremos que se asenten  precisamos que teñan servizos”. Cualificou como “moi positivos” os plans extraordinarios grazas aos que “podemos impulsar actuacións e servizos para fixar poboación”. Sobre os recursos concretos do plan ReacPon enxalzou que permitirá “recuperar un espazo público privilexiado para as persoas, nunha contorna que hai que aproveitar e que con esta obra vai mellorar en calidade”.

    O proxecto

    O proxectosuporá remodelar un espazo que, na actualidade, ten un pavimento deteriorado e desgastado, non conta con vexetación  e o mobiliario urbano está situado de forma dispersa. A través da actuación vaise recuperar o espazo para as persoas creando unha plataforma única, eliminado o tráfico rodado e configurando unha zona restrinxida a residentes que permitirá ampliar o espazo peonil ata un 50%. Amais dotarase á contorna de espazos acolledores nos que poder sentarse, descansar ou desfrutar da contorna, potenciarase e protexerase o cruceiro con zonas de estar ao seu redor, instalaranse elementos de xardinería e espazos verdes e substituiranse as luminarias actuais por novas de tecnoloxía LED. Todo elo apostando por contribuír a unha economía descarbonizada, mediante a eliminación de CO2 e a mellora da eficiencia enerxética, e  por aliñarse cos obxectivos da Axenda 2030 e do Plan de Resiliencia.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS