10.6 C
Pontevedra
Sábado, 2 de Marzo de 2024
Máis
    HomeA ParadantaCoveloO Monte Veciñal de Covelo rexeita a construción do parque eólico da...

    O Monte Veciñal de Covelo rexeita a construción do parque eólico da Telleira

    A asemblea xeral do Monte Veciñal de Santiago de Covelo (concello de Covelo) acordou por
    unanimidade rexeitar a instalación na súa propiedade do parque eólico da Telleira, promovido polo grupo empresarial Adelanta.

    Así denuncian o intento de espolio ambiental, paisaxístico, económico e cultural, non só deste monte, senón en toda Galicia.

    O monte veciñal de Covelo non se opón ao desenvolvemento da enerxía eólica no país,
    necesario para a descarbonización e a electrificación da enerxía consumida, mais entende que a actual planificación dual da Xunta e do Estado posúe 3 trazos que a fan indesexable:

    É socialmente inxusta

    Porque os prexuízos e os impactos son para a xente do rural, por mor da construción de novas vías de acceso aos montes, de multitude de liñas de alta tensión, do ruído, a reclasificación e cambios dos usos do solo, a perda de valor das propiedades, o impacto paisaxístico… mentres que os beneficios son para uns poucos debido á centralización e ao oligopolio eléctrico.

    Economicamente é un roubo

    Porque apenas o 1% da facturación anual dos PPEE recae nos propietarios dos montes onde están situados segundo datos do OEG (Observatorio Eólico de Galicia) e as empresas poden expropiar os terreos.

    É ambientalmente insustentable

    Porque o actual Plan Sectorial Eólico carece de avaliación ambiental estratéxica e os espazos
    protexidos en Galicia son moi reducidos pois a ampliación da rede Natura 2000 foi paralizada.

    O Monte Veciñal de Santiago de Covelo forma parte dende 2018 do rexistro ICCA, elaborado polo Programa de Nacións Unidas para o Medio Ambiente. É a primeira área da península Ibérica (xunto á CMVMC de Froxán) e a terceira de Europa en acadar este recoñecemento.

    Esta listaxe recoñece os mellores exemplos da xestión comunal do territorio por parte dos seus habitantes.

    As liñas mestras de ICCA, nome baixo o que se recoñecen todos aqueles territorios xestionados polas comunidades locais, xiran en torno a tres puntos principais: unha comunidade ben definida e vencellada ao territorio (a veciñanza); un sistema propio de gobernanza e toma de decisións que teña en conta a participación da mencionada comunidade (a asemblea); e un compromiso de conservación e uso sustentábel do hábitat para evitar danos ou deterioro medioambiental (o monte).

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.