7.6 C
Pontevedra
Venres, 29 de Marzo de 2024
Máis
    HomeA ParadantaCoveloO Concello de Covelo acometerá a segunda fase da obra 'Ensanche e...

    O Concello de Covelo acometerá a segunda fase da obra ‘Ensanche e mellora do acceso no lugar de Pazos, Barcela’

    As obras incluídas no proxecto, cun investimento de 40.706,94 € (IVE 21 % incluído), contan financiamento da Deputación Provincial de Pontevedra dentro da Liña 1 do Plan Concellos

    O Concello continua no seu afán de optimizar a súa rede municipal de estradas, mellorando así, a seguridade viaria, tanto para vehículos como para peóns. Para conseguir este obxectivo está reparando as estradas e pistas asfaltadas, ampliando os viais e mellorando os trazados actuais.

    Estas actuacións de ensanche e mellora do Acceso ao Lugar de Pazos – Barcela, teñen por obxecto a definición a nivel de proxecto construtivo das directrices de desenrolo urbanístico, definido e valorando a nivel construtivo as obras incluídas en dita actuación e son a continuidade das obras realizadas no ano 2021 no mesmo lugar.

    As obras incluídas neste proxecto consisten no ensanche e a mellora do acceso dun camiño municipal, no lugar de Pazos, na parroquia de Barcela, como continuación á primeira fase, xa executada. O camiño é de titularidade municipal, pero as súas condicións actuais presentan certas dificultadas para os vehículos e peóns, así como para o acceso de ambulancias, camións de bombeiros ou coches de emerxencia.

    Para a mellora da seguridade viaria do tramo, exponse executar un ensanche integral da plataforma da zona de actuación, conseguindo un ancho libre.Para conseguir este obxectivo será necesario demoler os muros de contención existentes, en moitos casos, os muros actuais están deformados e teñen perigo dun posible derrubamento.

    Executaranse as escavacións en desmonte necesarias, para posteriormente, unha vez construídos os muros, realizar o recheo do trasdós, mantendo as leiras na súa cota actual sendo o prazo de execución das obras de dous meses.

    Coas obras que se expoñen neste proxecto preténdese optimizar o servizo que ofrece o camiño e mellorar a seguridade viaria do mesmo, xa que, na actualidade, é un vial moi estreito e perigoso.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.