16.2 C
Pontevedra
Luns, 16 de Maio de 2022
Máis
    HomeA ParadantaCovelo“Covelo parroquia a parroquia” percorrerá os 154 km2 do concello ao rescate...

    “Covelo parroquia a parroquia” percorrerá os 154 km2 do concello ao rescate da riqueza toponímica

    Poñer en valor a microtoponimia do noso concello é o obxectivo do proxecto “Covelo, parroquia a parroquia”. Esta iniciativa, que arrincou o ano pasado coa edición do libro “Barcia de Mera, notas de toponimia, historia e patrimonio”,  aterrou en Santa Mariña hai uns meses co apoio do Concello. E aínda que os esforzos non foron visibles ata hai ben pouco, este é un traballo que vén de lonxe e no que a Comunidade de Montes de Santa Mariña, en colaboración co historiador Alberte Reboreda, leva anos profundando.

    Catorce parroquias e 154,63km2

    O alcalde de Covelo, Pablo Castillo, explica que, este amplo proxecto nace coa vocación de prolongarse no tempo e, ano tras ano, ir afondando na riqueza da toponimia de cada parroquia en colaboración cos distintos colectivos veciñais que queiran recuperar os nomes de barrios e lugares, un dos sinais de identidade máis fondo de Galicia. Na primeira edición foi da man da asociación Terra por Terra e nesta segunda da Comunidade de Montes de Santa Mariña.

    “Esta é unha iniciativa ambiciosa e custosa non só polo investimento que debemos facer, tamén pola súa propia intención de rescatar e poñer en valor a variedade toponímica e a riqueza de aspectos sociolingüísticos vencellados á historia  e ao patrimonio de cada lugar”.

    GPS submétrico en man e moitas ganas de investigar foron os ingredientes para comezar a pescudar. Entrevistas coa veciñanza e consultas ao arquivo histórico provincial e ao catastro rústico de 1952 volven formar parte da metodoloxía de traballo. Pero tamén tiveron que botar man das últimas tecnoloxías que permiten xeorefenciar cada recuncho da parroquia de Santa Mariña.

    Nestas semanas a veciñanza da parroquia convivíu cos micros e coas cámaras xa que o proxecto ademais de contemplar a publicación dun libro complétase coa edición de varios vídeos que serán difundidos en diferentes formatos e canles de comunicación.

    En paralelo aos concienciudos traballos de investigación a equipa audiovisual dirixida polo xornalista de Barcia de Mera, Suso Iglesias, grava conversas entre a veciñanza e o artista e músico Tonhito de Poi.

    Despois destas gravacións, as pezas audiovisuais entran en fase de postproducción mentres os textos e datos da investigación toman forma de libro, un libro que pronto verá a luz e do que nos falarán os autores cando xa poidan desvelar anécdotas do proceso e parte da riqueza que atesoura.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS