16.6 C
Pontevedra
Mércores, 28 de Setembro de 2022
Máis
    HomeA ParadantaCoveloCovelo humaniza o camiño da igrexa de Santa María de Paraños grazas...

    Covelo humaniza o camiño da igrexa de Santa María de Paraños grazas á Deputación

    As obras, valoradas en 41.000 euros, eliminaron as barreiras arquitectónicas e puxeron en valor o conxunto patrimonial

    Un investimento de case de 41.000 euros da Deputación de Pontevedra permitiu embelecer e mellorar a accesibilidade do camiño da igrexa de Santa María de Paraños, ao tempo que levouse a cabo unha humanización de toda a contorna. As obras foron supervisadas polo deputado de Economía e Facenda, Carlos Font; a deputada de Cohesión Social, Olga García, e o alcalde, Juan Pablo Castillo nunha visita institucional.

    A actuación cínguense ao camiño que conecta o conxunto formado polo templo e o cemiterio parroquial a través doutra vía rural coa N-120. O proxecto, que remarca a prioridade peonil e elimina todo tipo de barreiras arquitectónicas, consistiu na pavimentación do firme de xabre cunha base de formigón incluíndo unha zona empedrada con lousa de granito, a modo de vestíbulo, na contorna das edificacións relixiosas. Alí tamén habilitáronse dous bancos. A maiores, o concello renovou o saneamento.

    O camiño embeleceuse con franxas transversais de pedra e tamén quedou dotado dunha nova rede de recollida de augas pluviais coas respectivas arquetas e grellas de ferro. No deseño respectáronse os accesos da circulación rodada ás fincas e predios colindantes, así como as conexións peonís coa contorna da igrexa e as vivendas da zona. Atendendo á suxestión de Patrimonio o encontro dos pavimentos cos muros de peche tanto do adro como do parcelario da zona resolvéronse con bandas de pedra de granito silvestre de 8 centímetros.

    O investimento total da Deputación de Pontevedra en Covelo, desde o ano 2016, supera os 5 millóns de euros. Este ano, no marco do Plan Concellos, o municipio recibe máis de 460.000 euros.  Dende o ano 2016 Covelo foi quen de executar 25 obras financiadas pola Deputación con cargo a este operativo de financiamento regrado. A maiores, obtivo achegas en concorrencia competitiva para a mellora da seguridade dos viarios municipais (86.757 euros do plan DepoRemse) e para o proxecto de mellora de accesibilidade e humanización da praza de Barciademera (287.407 euros do Plan de Reequilibrio). O Concello puido contratar tamén a 95 persoas desempregadas ata o ano pasado para desempeñar traballos temporais en servizos municipais con cargo ao Plan Concellos. Este mesmo ano acolle a 16 traballadores/as máis.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS