Ás tarefas de desinfección programadas polo Concello de Arbo e que contaron, dede o inicio coa colaboración das adegas As Laxas, Marqués de Vizhoja e Pazo Pondal, sumaronse tamén os viticultores do municipio que colaboran, coa súa maquinaria á desfinfección do municipio.
Así, o pasado venres día 3 de abril, os primeiros viticultores desinfectaban os núcleos da parroquia de Arbo e o sábado 4 de abril outro grupo o facía nos núcleos da parroquia de Sela, o mercores día 8 de abril novamente os viticultores saían cos seus tractores para desinfectar todas as parroquias do Concello de Arbo.
Horacio Gil, alcalde de Arbo, asegurou que “son moitos os veciños e veciñas arbenses que se ofreceron para colaborar co Concello de Arbo mostrando a súa implicación, solidaridade e preocupación, do que como alcalde, me fai sentir moi orgulloso”.
Ese orgullo ao que fai referencia o rexedor local, o fai extensivo “á resposta que están a dar os e as arbenses ante as severas medidas adoptadas polas autoridades sanitarias, pola Xunta de Galicia e polo Goberno de España, medidas moi duras para eles e para mín”. Pese a esa dureza, engade Horacio Gil, “estamos a dar exemplo de organización e de cumprimento estrito de cada orde que recibimos, actuando con lealdade e seguindo as medidas de prevención precisas coa finalidade de conter a propagación do virus e tratar de minimizar as afeccións no noso municipio”.
O alcalde de Arbo insiste na importancia de “seguir cumprindo estritamente as recomendacións, evitando ao máximo saír dos nosos domicilios. Entre todos podemos conseguir que este virus non se propague na nosa area de influencia”, remata o rexedor.
