Arbonadal é un evento organizado polo Concello de Arbo, co que se pretende promocionar e potenciar os recursos culturais e patrimoniais da vila, dirixida a artesáns, anticuarios, asociacións, ONGs e establecementos comerciais.
Despois de dous anos que non se puido levar a cabo este Mercadillo, os vindeiros 10 e 11 de decembro, regresa á Praza do Concello o Mercadillo Solidario “Arbonadal 2022”.
Contarase coas asociacións de Arbo como A.C Barca de Loimil e A.C Vella Barca, Asociación Mulleres Rurais, Asoc. San Miguel Arcangel d Cequeliños… con ONGs como solidariedade San Roque, Manos Unidas, Asociación PVG Reciclaxe Solidaria, a Federación Asociacións Veciñais Eduardo Chao de Vigo…… Tamén haberá postos de artesanía.
As persoas que visiten o mercadillo poderán comprar os seus primeiros artigos do Nadal, desde libros, roupa ou complementos ata artigos de decoración, entre outras cousas. Así mesmo, toda aquela persoa que desexe doar alimentos, produtos de hixeñe e limpeza así como xoguetes, que serán repartidos entre as familias necesitadas de Arbo, poderá facelo no posto que o Concello de Arbo terá habilitado para ese día.
Todos os participantes que o desexen poderán realizar demostracións dos seus respectivos produtos no seus postos, co fin de que o público asistente coñeza as técnicas de elaboración, previa comunicación a organización para facelo constar no programa e establecer os horarios no caso de existir varias demostracións ou charlas.
O Mercado estará aberto ao público dende as 11.30 h ata as 17:30 h. Os días 10 e 11 de decembro de 2022, e durante os dous días, o Concello de Arbo ten programadas actividades para nenos entre as que destacan obradoiros de Nadal, visita de persoaxes de Disney, festa infantil e xogos.
En caso de mal tempo o Mercadillo trasladarase ao Pavillón Municipal de Deportes.
