O Palco de San Benito, atopase nun lugar privilexiado, na contorna da Igrexa de Santa María de Arbo, uns dos altos do municipio dende onde se poden gozar dunhas extraordinarias vistas parte do territorio de Arbo e o veciño Melgaço. As obras buscaban devolver a este elemento arquitectónico unha cuberta digna, conservando os seus elementos orixinais e reparando os que estaban afectados por algunha patoloxía. Aqueles elementos que non puideron ser recuperados, substituíronse por outros de igual deseño que os orixinais, e sobre todo eliminando os engadidos ou transformacións sufridas que desvirtúan a súa imaxe, para garantir a súa durabilidade e mantemento.
As actuacións, centráronse sobre todo na parte máis dañada, que se atopaba totalmente atacada pola corrosión, polo que foi necesaria a retirada completa para a súa posterior restauración, seguindo o esquema da sustentación orixinal.
O importe das obras ascenderon a 10.151,30 € financiadas coa achega da Deputación de Pontevedra de 4.031,77, así como pola Diocese de Tui-Vigo de acordo ao convenio asinado o día 28.09.2020 onde esta última comprométese á colaboración no financiamento da actuación por importe de 3.500,00 euros e o Concello que achegou 2.619,53 euros de fondos propios. Unha empresa local foi a encargada destes traballos de restauración.
