14.3 C
Pontevedra
Mércores, 22 de Maio de 2024
Máis
    HomeA ParadantaArboArbo Recibe 4.000 euros para elaboración dun Plan de Acción para o...

    Arbo Recibe 4.000 euros para elaboración dun Plan de Acción para o Clima e a Enerxía Sustentable (PACES)

    O Concello que preside Horacio Gil adheriase no mes de outubro de 2019 á iniciativa europea que busca ir máis aló dos obxectivos da EU para reducir emisións de CO2 a través de medidas de eficiencia enerxética

    O Concello de Arbo   ven de recibir por parte da Consellería de Medio ambiente, Territorio e Vivenda a notificación da resolución da Consellería de Medio Ambiente, Territorio e Vivenda pola que se conceden as axudas convocadas pola Orde do 5 de maio de 2020, cofinanciadas polo Fondo Europeo de Desenvolvemento Rexional, no marco do Programa Operativo Feder Galicia 2014-2020, que vai destinada a asistencia técnica na elaboración dun Plan de Acción para o Clima e a Enerxía Sustentable (PACES), por un importe de 4.000 €.

    O Concello de Arbo forma parte xa do Pacto dos Alcaldes contra o Cambio Climático dende outubro de 2019. Horacio Gil, alcalde de Arbo, asegura que “todos temos algo que facer e no ámbito da administración local o facemos deseñando estratexias para reducir esas emisións en función das nosas competencias”.

    Precisamente, para alcanzar eses obxectivos, o Concello de Arbo ten que redactar un Plan de Acción para a Enerxía Sostible e o Clima (PACES) cun inventario de referencia de emisións (IRE) para facer o seguimento da súa efectividade das accións de mitigación e unha avaliación de riscos e vulnerabilidades ante o cambio climático. Polo que no mes de xuño, solicitabase unha achega a Conselleria de Medio Ambiente para a elaboración do Plan.

    Tendo en conta a resolución de adxudicación da achega de 4.000 € pola Consellería de Medio Ambiente, o Concello contratou o servizo de “asistencia técnica para a elaboración dun Plan de Acción para o Clima e a Enerxía Sustentable (PACES)”. Dentro dos cometidos da empresa adxudicataría do contrato deberáse realizar unha proba (durante 6 meses con datos de electricidade) dunha plataforma tecnolóxica de referencia para o cálculo das emisións do seu concello. entrega uhna guía de axudas e fondos europeos adaptada ao concello para a realización de novos proxectos e ferramentas e manuais para a actualización permanente do PACES e a elaboración dos informes de seguimento bianuais.

    Nesa liña, o Concello de Arbo deberá concentrar os seus esforzos “en reducir a demanda de enerxía nos seus territorios e adaptar a demanda enerxética á oferta promovendo a utilización de recursos enerxéticos locais” remata o alcalde Horacio Gil.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.