12 C
Pontevedra
Venres, 29 de Marzo de 2024
Máis
    HomeA ParadantaArboArbo realizará obras de mellora na EDAR de Barcela subvencionadas pola Xunta...

    Arbo realizará obras de mellora na EDAR de Barcela subvencionadas pola Xunta de Galicia

    A actuación conta con financiamento da Dirección Xeral de Administración Local da Vicepresidencia Segunda e Consellería de Presidencia, Xustiza e Deportes, no importe de 48.388,48 €, que se corresponde co 100 % do investimento

    O Concello de Arbo, esta realizando nestas semanas o procedemento de contratación para as actuaciónS de mellora na eficiencia enerxética e reparación na EDAR de Barcela-Arbo, unha obra para a que se solicitou a colaboración da Consellería de Presidencia.

    As actuacións teñen como obxecto reparar os equipos electromecánicos avariados, o que ademais implicará importantes melloras na eficiencia enerxética desta instalación ao permitir adecuar a demanda enerxética ás necesidades de depuración, ao mesmo tempo que se responderá á necesidade de atender a grave situación existente como consecuencia da avaría que sufriu a bomba de cabeceira da EDAR que afecta gravemente ao funcionamento desta planta depuradora, que evita a vertedura directa das augas residuais.

    Para a realización destes traballos, o Concello de Arbo asinaba un convenio coa Dirección Xeral de Administración Local para a actuación denominada Melloras na eficiencia enerxética e reparacións na EDAR Chan Barcela-Arbo, polo que esta actuación conta con financiamento da Xunta de Galicia, no importe de 48.388,48 €, que se corresponde co 100 % do investimento

    Esta planta é de fabricación do ano 2005, polo tanto, aínda o proceso de depuración segue sendo tecnoloxicamente adecuado, tanto os motores como a instrumentación de control poden mellorarse e sobre todo, obter con elo unha mellora da eficiencia enerxética, e polo tanto unha redución no gasto enerxético que a súa xestión supón.

    As obras, ademais de reducir o consumo enerxético da depuradora, permitirá mellorar o proceso de depuración.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.