O Concello de Arbo estuda medidas de reactivación para o sector turístico, comercio local e empresarial de Arbo, a través dun plan de reactivación deseñado polo Goberno municipal. O alcalde, Horacio Gil, reuniuse con representantes dos distintos sectores, para presentar o Plan e abordar medidas de reactivación ante a crise sanitaria e social polo coronavirus, así como para recoller as propostas e demandas de todos os sectores de Arbo.
Nos encontros, que se manteñen dende que esta permitido as reunións para grupos de dez persoas, levan participando ata o momento, as empresas do parque empresarias, empresas de construción, cafeterías, bares e restaurantes, turismo activo, casas e vivendas de turismo rural, adegas, pequenos comercios. E seguiranse realizando nas vindeiras semanas.
O alcalde avanzou que o Concello de Arbo, esta traballando “nun plan que dea resposta e que porá en foco o comercio local, as empresas de turismo e todos os sectores afectados e a súa reactivación virá marcada sempre seguindo as recomendacións do Goberno de España, a Xunta de Galicia e as autoridades sanitarias”.
O Documento presentado é un documento aberto ás suxerencias do sector e pretende servir de base para unha proposta final consensuada con todas as partes – informa o alcalde Horacio Gil
“O Plan é un documento onde todos os sectores poida achegar as súas ideas e as súas necesidades, para que entre todos saquemos á frote de novo os sectores máis prexudicado pola pandemia do Covid 19”, apunta o rexedor loca, quen asegura “que estamos nun futuro incerto, donde todo dependerá sempre das medidas que os gobernos tomen tras a crise sanitaria e de posibles rebrotes do virus en distintas partes e do comportamento da poboación en xeral”, pero “queremos escoitar a voz dos nosos sectores e coñecer a súas necesidades nestes momentos tan difíciles e ir da man para facer fronte a crise”, explica Horacio Gil.
