O vindeiro sábado 12 de agosto, entre os actos que o Concello de Arbo organiza co gallo da Festa da Lamprea Seca, está prevista a V Andaina Popular da Lamprea Seca. A actividade arrancará ás 10:30 horas dende o Centro de Interpretación do Viño e a Lamprea “Museo Arabo” con un percorrido de 8 km e unha dificultade media-baixa e rematará na Carballeira de Turbela.
Os interesados en participar deberán realizar as inscricións no correo electrónico [email protected] ou no teléfono 639829445 ata o 9 de agosto, haberá sorteos e agasallos entre os participantes.
As persoas que acudan a este roteiro poden participar noutras actividades lúdicas e culturais que terán lugar ao longo do día na Carballeira de Turbela, organizadas con motivo da Festa da Lamprea
Na Carballeira de Turbela, un área recreativa con mesas, sillas e sombra, poderan degustar nos postos habilitados este manxar nas súas diferentes variedades, asada, rebozada, rechea… acompañada dos mellores viños das adegas de Arbo presentes no recinto incluidas dentro da D.O. Rías Baixas, mentras desfrutan coas actuación dos grupos de Arbo como Barca de Loimil e Mel de Meiga, concertos, charangas…