O alcalde da Cañiza, Luis Piña, e o presidente do Clube Ciclista “Grupeta Pan de Zarko”, Tito Ramírez, acompañados de Alberto Rodríguez, integrante da Directiva do Clube, presentaron onte pola tarde a IV edición deste evento deportivo que celebrarase o vindeiro sábado 23 de abril a partires das 16:00 no campo de fútbol de Augas Férreas e que é puntuable para a Copa Galicia BTT XCO 2022.
Os organizadores da proba corfirmaron, a día de onte, a inscrición de máis de 300 participantes.
Nesta IV BTT XCO – Concello da Cañiza disputaranse todas as categorías masculino e feminino de cadete, junior, sub-23, élite e máster 30-40-50-60.
O evento conta coa cooperación e a axuda da Policía Local.
Ademais, conta coa colaboración das Comunidades de Montes de Petán, Achas e A Cañiza e as aportacións da entidade bancaria ABANCA e das empresas da Cañiza SAEPLAST, Reciclaje de Plásticos A Cañiza, Galimetal SA y Sistemas de Carpintería para la Arquitectura, EFP BIOTEK, Transportes González e Queixos Castro Xaneiro. O alcalde agradece a todos eles a súa desinteresada colaboración.