12 C
Pontevedra
Venres, 29 de Marzo de 2024
Máis
    HomeA ParadantaA CañizaO Goberno local non da explicación de por qué pola súa falla...

    O Goberno local non da explicación de por qué pola súa falla de xestión se perderon 600.000,00€ para o concello da Cañiza

    Nunha manobra idéntica ás que Piña xa nos ten acostuma-dos, tenta facer ver aos veciños, que o funcionamento diario do concello é unha “proeza extraordinaria” que se leva a cabo grazas á súa “xestión”

    O luns celebrouse o pleno extraordinario solicitado polo Partido Popular da Cañiza para que Piña explicase a perda de Subvencións, mais concretamente:

    No ano 2019, o concello da Cañiza non xustifica a tempo a subvención para a Instalación da Unidade de Tratamento de Aire e Climatización da Piscina Climatizada Municipal, polo que perde a cantidade de 112.000,00 € que a Xunta tiña dado para este proxecto, o que non perde é a obriga de pagarlle a empresa que fixo a obra.

    Piña perde esa mesma axuda da Xunta de Galicia no 2020 por non ter presentadas as contas do concello en prazo:

    • 17/02/2020.- 80.000,00 € de Axuda Fondo de Compensación Ambiental
    • 17/02/2020.- 32.000,00 € de Axuda Fondo de Compensación Ambiental

    Na súa parálise e inacción de goberno, Piña XA NIN SOLICITA as seguintes axudas:

    • Axudas do programa de promoción da Igualdade entre mulleres e homes e de Prevención e Tratamento da Violencia de Xénero
    • Axuda para a mellora Infraestruturas de Parques Empresariais
    • Axuda para a Creación de Viveiros Industriais de Empresas
    • Axuda para a realización de Obradoiros de Emprego
    • Axuda para a Contratación de Persoal no Programa Aprol Rural
    • Axuda para a mellora de Infraestruturas Públicas
    • Axuda para a mellora da Escola Infantil
    • Axudas destinadas ao financiamento de Plans de Formación das entidades locais
    • As Axudas da Consellería de Medio Ambiente que obrigan a ter a Conta Presentada

    A maiores das subvencións e axudas da Xunta, sigue dicindo que non ten cartos para pagarlle os provedores locais, e sen embargo NON SOLICITA A SUBVENCIÓN DE PAGO A PROVEDORES que ten a Deputación dentro do Plan Concellos

    Según manifestacións do voceiro do PP, Miguel Domínguez, “unha vez máis, Piña non resposta ás nosas exixencias e volve a non dar contas dos resultados da súa inoperancia durante os 15 meses que xa leva no goberno”.

    Piña enumera unha serie de accións rutinarias da actividade normal do concello que pretende vender como algo extraordinario. “Perdín moitas subvencións pero fixen outras cousas….” para o voceiro do Partido Popular “O goberno máis caro da historia da Cañiza, con tres dedicacións exclusivas que nos custan a todos os cañicenses 12.000,00€ ao mes, con máis asesores externos contratados ca nunca, pretende vendernos que a xestión diaria do concello é grazas a Piña”.

    “Piña pretende xustificar a perda de subvencións dicindo que se pediron ás distintas administracións as contías que lle corresponden de sempre, facendo crer que llas deron gracias á súa xestión, cando eses cartos son os que nos corresponden todos os anos, e cos que se mantén o concello”.

    Piña xa non pode caer máis baixo, nun pleno no que perdeu totalmente o papeis, que acabou insultando ao voceiro do PP mentres baixaba as escaleiras do Salón de Plenos, nun ataque de desesperación, ao verse acurralado polas reclamación documentadas do Partido Popular, non dubida en culpar (ademais de ó PP) aos funcionarios municipais de non facer o seu traballo e acusalos de ocultar documentación, para xustificar a súa parálise. “Que será o seguinte, culpar aos veciños de que andan moito pola noite e que hai que pagar moita luz? O alcalde está perdendo cada vez mais a compostura institucional, é quen de vender a quen sexa preciso para saír do paso, a calquera prezo.

    Reiteráronselle en varias ocasións durante o transcurso do pleno, que todas esas “ilegalidades” que el vende para desprestixiar a xestión do anterior goberno, e nas que se esconde unha e mil veces para xustificar a súa incompetencia e falla de formación, que as denuncie no Xulgado, pero en ningún momento “recolleu o guante”. Será porque se denuncia acábaselle a propaganda?

    O alcalde, o seu equipo de goberno e o seu socio, deben poñerse a traballar dunha vez por todas e comezar a xustificar os soldos que cobran, así nos próximos plenos, Piña non terá que poñerse tan nervioso e non terá que saír tan á présa do salón de plenos coma no día de hoxe, todo encoraxado polo “papelón” que acababa de facer. Porque chegar a culpar de manobras ilegais aos funcionarios municipais “tirando la piedra y escondiendo la mano”, para tentar saír da “encerrona”, ademais de carecer de elegancia, non ten nome.

    “Como moito, a situación económico financeira do Concello era e mesma e isto antes non pasaba”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.