15.8 C
Pontevedra
Venres, 30 de Setembro de 2022
Máis
    HomeA ParadantaA CañizaLuis Piña visitas as obras do Pavillón Carballo do Marco

    Luis Piña visitas as obras do Pavillón Carballo do Marco

    O alcalde da Cañiza, Luis Piña, visitou onte as obras dos vestiarios do Pavillón Municipal Carballo do Marco, que están subvencionadas ao 100% polo Plan Concellos 2020 da Deputación de Pontevedra.

    A contía total da subvención ascende a un total de 46.714,15 euros. Esta reforma permitirá ofrecer un servizo de calidade aos usuarios ademáis de dotar ao pavillón dunha apariencia máis moderna, funcional e saudable. Cabe destacar que neste investimento tamén está incluída a obra de cambio do tellado do campo de fútbol do Vieiro, recentemente iniciada.

    A reforma inclúe as obras de renovación das instalacións de electricidade e fontanería con instalación de novos aparellos sanitarios; execución de novos revestimentos en paredes da zona de duchas de todos os vestiarios  e pintado do resto de paredes con pinturas resistentes á humidade e antimofo; colocación dun novo pavimento vinílico antiescorregadizo no chan dos vestiarios e do corredor de acceso aos mesmos; sustitución do falso teito  de madeira por aluminio;  instalación de duchas con elementos antivandálicos e con temporizador para aforrar auga e reparación das paredes dos corredores.

    Unha obra que, como xa manifestara o alcalde o pasado ano, encaixa na política do Goberno municipal de rehabilitación e mantemento dos bens municipais existentes, aplicando “rigor orzamentario”, ao non ter que aportar o Concello ningún recurso propio.

    Unha reforma moi necesaria

    Construida no ano 1983, esta instalación deportiva é unha das máis utilizadas polos clubes da localidade, onde se desenvolven importantes actividades e competicións. Con todo, durante os seus 37 anos de vida, os vestiarios do pavillón apenas sufriron modificacións, presentando importantes deterioros e desperfectos acumulados ao longo do tempo.

    Ademais, as condicións de salubridade tampouco eran as máis óptimas para este tipo de instalacións, xa que a ventilación natural era insuficiente polo que provocaba humidades e un ambiente insalubre, motivo de queixa dos usuarios.

    Por todo isto, o alcalde Luis Piña, dentro do seu primeiro Plan Concellos da Deputación, incluiu esta obra de rehabilitación, encamiñada a mellorar as condicións de salubridade e ventilación dos vestiarios másculino, feminino e dos árbitros.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS