O BM Cañiza anuncia que Isma Lago será a partir da vindeira tempada 2022/23 o novo director xeral do Club Balonmán Cañiza. Será o máximo responsable do clube a nivel deportivo e acompañará na gestión á Xunta Directiva e á Presidencia do club.
Isma Lago deixará de ser o adestrador do primeiro equipo masculino de 1ª Nacional, cargo que ocupou durante as dúas últimas tempadas, para pasar a asumir as novas funcións dentro da estructura do CBC.
Isma chegou á Cañiza alá polo 2016 para involucrarse no club como xogador, coordinador da sección masculina e adestrador de varios equipos de base. Tras varios anos, na tempada 2020/2021 puxo fin á súa etapa de xogador para ser o adestrador do primeiro equipo masculino nunha fantástica tempada na que se acadou o 4º posto na liga.
Ábrese agora unha nova etapa no club onde manter os equipos femenino e masculino competindo en categoría nacional e centrar máis a atención no traballo coas nenas e nenos da base. Isma quere agradecer a confianza depositada nel ao longo destes anos dende a Xunta Directiva e moi especialmente no presidente Rubén Fernández, artífice do que hoxe en día é o BM Cañiza.
Isma Lago será o novo director xeral do BM Cañiza
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.