No dia de onte celebrouse na Cañiza a primeira proba da Copa de Galicia de Pumptrack, unha modalidade con gran auxe a nivel nacional e internacional e que agora comeza a poxar forte en Galicia.
Da man de varios Clubs Ciclistas galegos, a Federación lanzou este ano a Copa de Galicia de Pumptrack que se compón de 4 probas, sendo a celebrada na Cañiza a inaugural.
O dia comezou cos adestramentos das categorías inferiores, onde a participación da proba foi mais grande, seguidamente continuaron os maiores, onde se puido comprobar o gran nivel que temos en Galicia.
Durante proba pideronse constatar deportistas de gran renome como Saúl Vilar ou Sergio Veiga, asi como tamén corredores internacionais vindos desde Francia como Maxence Crouail. O tempo máis rápido foi o conseguido por Sergio Veiga con 15,566 seg, en masculino e en feminino o de Alba Fernández con 18,953 seg.
[su_image_carousel source=”media: 74561,74562,74558,74560″ crop=”5:4″ link=”lightbox” autoplay=”0″]
Na proba tamén participou a Seleccionadora galega de Ciclismo na Modalidade de Dh e Enduro, Eva Castro, cun gran palmarés na súa traxectoria deportiva.
Desde a organización Marcos Porto, responsable de Sportskids e Pontebike Team, manifesta que dan as grazas ao Concello da Cañiza, polo apoio mostrado desde o primeiro momento, e ao seu alcalde Luís Piña, por facilitar todo o necesario para que a carreira fose todo o éxito a nivel galego, tamén manifestan para eles é unha honra realizar a primeira carreira da FGC en Galicia e que o que quixeron é que a mesma fora o mellor posible.
Na proba tamén se entregaron as camisolas de lideres da Copa de Galicia a todas as categorías participantes. Desde a organización tamén queren agradecer a Leira Briabí, Apartamentos Augusto e a Cámping Cañiza polos agasallos que grazas a eles puideron dar aos gañadores dos 3 mellores tempos masculinos e femininos.