11.8 C
Pontevedra
Venres, 21 de Xuño de 2024
Máis
    HomeA ParadantaA CañizaAdxudicadas as obras de rehabilitación da piscina climatizada da Cañiza

    Adxudicadas as obras de rehabilitación da piscina climatizada da Cañiza

    O alcalde da Cañiza, Luis Piña, anuncia a adxudicación da obra de rehabilitación da piscina climatizada do municipio. A obra conta cun investimento total de 742.747,95 €, dos que 689.048,95 € corresponden á execución da obra, financiados pola Deputación de Pontevedra, e 53.699,00 € a costes de redacción de proxectos, dirección de obra e dirección de execución material e coordinación de seguridade e saúde.

    Os costes de execución da obra están financiados ao 100% pola Deputación de Pontevedra que aportará 500.776,16 € a través do Plan extraordinario «REACPON» (Reacciona Pontevedra) e 188.272,79 € procedentes do PLAN CONCELLOS 2022-2023 LIÑA 1 de INVESTIMENTOS.

    A empresa CIVIS GLOBAL, S.L.U, adxudicataria do contrato iniciado por procedemento aberto simplificado, disporá dun prazo de 10 meses, a partires da sinatura do contrato, para executar a reforma consistente en obras de reparación, mellora nas instalacións e renovación de acabados nos vestiarios da piscina, segundo a definición e requisitos incluídos no anexo ao proxecto de execución de rehabilitación enerxética da piscina municipal redactado polos arquitectos Jorge Nimo Silva e Carlos Mezquita Fernández visado polo Colexio Oficial de Arquitectos de Galicia en data 26.07.2021.

    A reforma cambiará todo o sistema de climatización da piscina. Actuarase en todo o tellado para acadar un maior aislamento térmico. Se calefactará a zona de vestiarios e se sustituirá o uso de gas-oil por pellets co obxectivo de mellorar a eficiencia enerxética e reducir os consumos.

    Tamén se eliminará o vaso da piscina  pequena para incluir neste espazo unha sala polivalente de máis de 200 m2 e o vaso grande quedará a un nivel profundo de 1.30 m e 1.20 m nos laterais, reducindo considerablemente os consumos enerxéticos xa que a piscina tiña unha profundidade de 2m.

    Outra das novidades deste proxecto será a nova zona de SPA que se situará no lugar que ocupaba a metade das gradas. Terá capacidade para 10 persoas e saunas húmidas e secas.

    Unha nova etapa para a piscina

    Segundo comentou Luis Piña “ábrese unha nova etapa para esta piscina, que conta con 27 anos de antigüidade”.

    A piscina municipal climatizada da Cañiza abrirá de novo ao público a comezo do ano 2023 grazas á rehabilitación enerxética que comezará nestes días.

    No mes de abril de 2020, paralelamente á declaración do Estado da Alarma provocada pola pandemia da Covid-19, o Concello adoptou a decisión de pechar as instalacións porque, ademais de atender á medida sanitaria, “existía unha perda acumulada de 180.000 € anuais que nos últimos 9 anos chegaba a 1.400.000 €”.

    En palabras do rexedor da vila “cando se  decidiu non abrir a piscina en setembro do 2020, motivado polas inasumibles perdas económicas derivadas do mantemento da instalación (así como polo Estado de Alarma decretado polo Goberno), dende a Alcaldía adquirimos o compromiso de estudiar a viabilidade de poder continuar mantendo aberta esta histórica instalación municipal. Asumimos tamén o compromiso de buscar unha solución para reformar o edificio ata conseguir a súa eficiencia enerxética e funcional e tamén de buscar financiación para poder executar esta reforma”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.