7.9 C
Pontevedra
Venres, 29 de Marzo de 2024
Máis
    HomeA ParadantaA CañizaA Cañiza remata as obras de mellora do alumeado público en Achas

    A Cañiza remata as obras de mellora do alumeado público en Achas

    O Concello da Cañiza anuncia o remate das obras de sustitución e mellora das luminarias de todo o alumeado público de Achas, cun investimento total de 277.845,05 €.

    Tamén quedou rematada a reforma do alumeado público nos lugares de Cebreiro e Parada de Franqueira, que se costeou con cargo ás melloras ofertadas na obra de Achas.

    A reforma na parroquia de Achas contemplou o cambio de 449 luminarias de 35 W e 57 luminarias de 55 W, a colocación de dúas novas luminarias de color bronce nas contornas de O Cotosobreiro e de A Tafona, a instalación de 16 novos cadros de contadores, a reposición de 19 columnas e apoios e o despliegue de 7,7 km de cable eléctrico.

    A estas cantidades hai que engadir as melloras realizadas na parroquia da Franqueira. 59 luminarias sustituidas no lugar de Cebreiro, despregamento de 630 metros de cable novo e colocación de 1 novo contador. No lugar de Parada de Franqueira colocáronse 26 novos puntos, extenderonse 329 metros de cable e instalouse outro cadro. Estas obras xunto coas executadas no lugar de Igrexa e a contorna do Santuario da Franqueira (que formaron parte das melloras ofertadas na obra de cambio do alumeado de Valeixe), completan a reforma na parroquia de Franqueira.

    As obras están subvencionadas ao 100 % con fondos do Goberno de España, a través do Instituto de Diversificación e Aforro Enerxético, que aporta o 80 % do total cunha axuda de 222.276,04 € e achegas da Deputación de Pontevedra,  a través do Plan Concellos 2020 Liña 1, que subvenciona o 20% restante cunha aportación de 55.569,01 €.

    Esta renovación integral, sen precedentes no concello, dota dunha moderna instalación eléctrica á parroquia, co cambio de todas as luminarias a LED de última xeración. Unha luz branca máis luminosa e menos contaminante que repercutirá no aforro dos consumos enerxéticos, cumplindo así cos obxectivos do Pacto Verde da Unión Europea de reducir a contaminación.

    O proxecto tamén contempla o cambio do tipo de facturación, xa que se eliminarán todos os puntos que ata agora se facturaban en alzado. Actualmente solo existen 2 contadores de luz, un no Freixo e outro en Randufe. Esto significa que todo o alumeado da parroquia factúrase en tipo Alzado, que se traduce nun maior coste do consumo enerxético  e penalizacións nas facturas. A colocación dos novos contadores permitirá acadar un importantísimo aforro, conseguindo reducir a factura mensual en máis do 50%.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.