10.2 C
Pontevedra
Venres, 29 de Marzo de 2024
Máis
    HomeA ParadantaA CañizaA Cañiza presenta o libro "Concha de Luneda"

    A Cañiza presenta o libro “Concha de Luneda”

    O pasado 28 de decembro o alcalde Luis Piña, acompañado polo autor e escritor Xerardo F. Santomé, presentaron o libro «Concha de Luneda, a vida nunha cantiga». Un acto no que tamén participou como moderador Xosé Miguélez, profesor de música tradicional galega no Conservatorio de Ourense e estreito colaborador da Asociación Folclórica Gaiteiros da Xistra, promotor da edición e publicación desta obra dedicada a Concepción Rodríguez Alvarez.

    Unha obra que segundo manifestou o seu autor non é soamente un libro de cancións e relatos folclóricos, senon unha expresión gráfica de todas as memorias e vivencias desta muller contadas nos últimos vinte anos da súa vida.

    Unha historia que vai dende Barbeita (Monçao – Portugal) ata Luneda, pasando por Arbo e Parada de Achas. Unha historia real que narra cómo unha muller, ao igual que moitas outras do Paradanta e do Alto Minho portugués, enfrontouse a unha vida chea de traballos e esforzos nunha época extraordinariamente dura, nun lugar abandonado e afastado dos centros urbanos onde o benestar evolucionaba máis rápido.  

    Un relato que abarca unha vida marcada pola diferenza de xénero e a relixión, esta última como o único abeiro posible para superar tanta desgraza.  Malia todo isto, o libro nos adentra tamén nunha historia de grandes vitorias individuais e sociais, chea de cantigas que aparecen nas páxinas desta publicación. Cantigas que presumen un final feliz.

    Dende o Concello da Cañiza queren agradecer tanto ao autor do libro, Xerardo F. Santomé, como a todo o equipo e familia da Asociación Folclórica Gaiteiros da Xistra polo cariño, atención e dedicación que amosaron durante as últimas décadas por Concha e que culmina, despois do seu pasamento, coa publicación das memorias da súa vida e dos seus cantares.

    O libro pódese adquirir na Cañiza nas librerías “PEPA” e “ESCRIBAN” por un prezo de 20 €.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.