15.8 C
Pontevedra
Xoves, 20 de Xuño de 2024
Máis
    HomeA ParadantaA CañizaA Cañiza entrega premios polo concurso de comparsas de entroido

    A Cañiza entrega premios polo concurso de comparsas de entroido

    Este 19 de febreiro, domingo de entroido, as comparsas da Cañiza se achegaron ata a Carballeira do Cacharado para participar no concurso que, un ano máis, luciu cun grande nivel de orixinalidade, humor e posta en escea na rúa Antonio Facorro.

    Grazas á tarde soleada, os compoñentes das 8 comparsas puideron exhibirse diante dos veciños e do xurado, para competir polos premios que en total estaban dotados con 2300 euros repartidos en 500 €, 300 €, 200 € e 150 € para os primeiros, segundos, terceiros e cuartos premios respectivamente de cada categoría de infantil e adultos.

    Coa participación de 4 comparsas infantís e 4 comparsas na categoría de adulto, o entroido volveu a celebrarse na Cañiza despois de 2 anos de parón debido á crise sanitaria provocada pola Covid-19.

    O alcalde da vila, Luis Piña, agradeceu na súa intervención a participación de todos os membros das comparsas e os felicitou por contribuir a facer máis grande esta festa. Tamén agradeceu a presenza do público e a colaboración dos empregados do Concello na tarde do domingo, especialmente ao departamento de cultura e de obras. Ademais, agradeceu o traballo realizado polo Xurado desta nova edición formado polos deseñadores cañicenses Cristobal Vidal e José Castro, polo Director da Escola de Teatro Patricio Mango e o Director da Escola de Música Diego Paín.

    O xurado, presidido por Cristobal Vidal, acordou entregar os premios ás seguintes comparsas:

    • 1º Premio adultos: CLASSIC CIRCUS (composta por mulleres procedentes do Centro Esclavas Dolorosas de Crecente que participaban dentro dun programa de integración social e que coa súa  alegría e desenvoltura emocionaron a todo o público)
    • 2º Premio adultos: JHUASAP DE BARRIO
    • 3º Premio adultos: MISIÓN ESPACIAL CHUSQUIÑO 23
    • 4º Premio Adultos: AS ESTRELAS DE JALISIA
    • 1º Premio Infantil: MAKBUT, A FORZA RESIDE EN NÓS
    • 2º Premio Infantil: NOS VAMOS DE PARY
    • 3º Premio infantil: PROCURA DOS EXTRATERRESTRES
    • 4º Premio infantil: PODRIDAS PERO SABROSAS.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.