19.8 C
Pontevedra
Luns, 15 de Xullo de 2024
Máis
    HomeA ParadantaA CañizaA Cañiza entrega os premios de poesía e relato dos certames literarios...

    A Cañiza entrega os premios de poesía e relato dos certames literarios ‘Letras Galegas 2023’

    Dentro dos actos previstos polo Concello para conmemorar o Día das Letras Galegas, o alcalde Luis Piña, acompañado do concelleiro de Cultura, Rubén Muiños, fixo entrega este 17 de maio, no Salón de Plenos da Casa Consistorial, dos diplomas e premios aos catro concursantes gañadores do XXIV Concurso de Poesía e do XXII Concurso de Relatos ou Narraccións Breves, convocados polo Concello da Cañiza.

    XXIV Concurso de poesía

    1ª Categoría (6 a 12 anos). Premiado con 120€ e diploma: Éric Lorenzo Fernández co poema A Pinga

    2ª Categoría (13 a 17 anos). Premiado con 120 € e diploma: Álvaro Machado Puga co poema Que é a poesía?

     XXII Concurso de relatos

    1ª Categoría (6 a 12 anos). Premiado con 120 € e diploma: Daniela Lopes González co relato O Lobisome galego.

     2ª Categoría (13 a 17 anos). Premiado con 120 € e diploma: Iria Fernández Giráldez co relato Realidade

    O xurado, integrado por un equipo de profesores de galego dos Centros Educativos da Cañiza, valorou os traballos en base aos criterios de creatividade e orixinalidade da obra e a súa forza expresiva.

    Unha vez rematada a entrega de premios, o alcalde Luis Piña quixo felicitar a todos os concursantes  pola súa implicación e  por ter contribuido a elevar cada ano o nivel literario destes certames. Piña salientou tamén a orixinalidade de todos os traballos e emprazou aos participantes a volver a presentarse aos concursos de 2024.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.