9.6 C
Pontevedra
Xoves, 28 de Marzo de 2024
Máis
    HomeA ParadantaA CañizaA Cañiza comezou coas obras de reforma da piscina climatizada

    A Cañiza comezou coas obras de reforma da piscina climatizada

    O rexedor da Cañiza, Luis Piña, visitou hoxe pola mañá as instalacións da piscina climatizada municipal, acompañado polos técnicos da empresa adxudicataria logo de comezar esta semana as obras de reforma.

    A empresa CIVIS GLOBAL, S.L.U, adxudicataria do contrato disporá dun prazo de 10 meses a partires deste luns 25 de abril para executar a obra de REHABILITACIÓN ENERXÉTICA DA PISCINA MUNICIPAL consistente en obras de reparación, mellora nas instalacions e renovacion de acabados nos vestiarios da piscina. Un proxecto redactado polos arquitectos Jorge Nimo Silva e Carlos Mezquita Fernández visado polo Colexio Oficial de Arquitectos de Galicia o 26.07.2021.

    Unha obra cun investimento total de 742.747,95 €, dos que 689.048,95 € corresponden á execución da obra e 53.699,00 qq1€ a costes de redacción de proxectos, dirección de obra e dirección de execución material e coordinación de seguridade e saúde.

    Os costes de execución da obra están financiados ao 100 % pola Deputación de Pontevedra, que aportará 500.776,16 € a través do Plan extraordinario «REACPON» (Reacciona Pontevedra) e 188.272,79 € procedentes do Plan Concellos 2022-2023 Liña 1 de investimentos.

    Segundo manifestou o alcalde esta mañá “o inicio desta reforma é a clara resposta a un compromiso firme adquirido cos veciños e usuarios da piscina de volver a abrir a  instalación, pero neste caso totalmente reformada e enerxéticamente eficiente”.

    A obra cambiará todo o sistema de climatización da piscina. Actuarase en todo o tellado para acadar un maior aislamento térmico. Se calefactará a zona de vestiarios e se sustituirá o uso de gas-oil por pellets co obxectivo de mellorar a eficiencia enerxética e reducir os consumos.

    Tamén se eliminará o vaso da piscina  pequena para incluir neste espazo unha sala polivalente de máis de 200 m2 e o vaso grande quedará a un nivel profundo de 1.30 m e 1.20 m nos laterais, reducindo considerablemente os consumos enerxéticos xa que a piscina tiña unha profundidade  media de 2m.

    Outra das novidades deste proxecto será a nova zona de SPA que se situará no lugar que ocupaba a metade das gradas. Terá capacidade para 10 persoas e saunas húmidas e secas.

    Unha reforma que permitirá un uso máis polivalente da instalación, incrementar a oferta de actividades de ocio deportivo e aumentar a súa rentabilidade.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.