O Concello da Cañiza comeza coa súa programación de outono co “teatro familiar” e inaugura o ciclo este sábado, 7 de outubro, coa representación da obra de teatro “Maxia, Mago Teto”. Terá lugar ás 20.30 h, no auditorio da Casa de Cultura, con entrada gratuíta.
O Concello organiza este novo ciclo con 6 obras de teatro que se representarán nos meses de outubro, novembro e primeiro domingo de decembro, no Auditorio Municipal da Cañiza e de balde para todos.
As obras están enmarcadas e subvencionadas polos programas «Ler conta moito» da Rede de Bibliotecas Públicas de Galicia, «Tornar as Taboas» da Deputación de Pontevedra, «FalaRedes» de Normalización Lingüística da Xunta de Galicia.
Ademais, contan coa participación dos alumnos da Escola Municipal de Teatro da Cañiza, grupo de adultos, que pecharán este ciclo o 3 de decembro coa representación da obra «VIÚVAS», ás 18 h no auditorio.
