O Pleno da Cañiza aprobou onte, por maioría absoluta, o plan de saneamento financeiro. Este plan contempla solicitar ao Ministerio de Facenda que rebaixe ata o 25 % a retención que está aplicando nas cantidades que ingresa o Concello a conta da participación dos tributos ao Estado (unha das principais fontes de financiación do Concello).
Para solicitar a Facenda que rebaixe o 25 %, o Concello ten que presentar un Plan de Axuste ou Saneamento das finanzas. Se Facenda acepta este Plan podería rebaixar a retención a 23.000 €/mes.
Orixe da redacción do Plan de Saneamento
Esta retención ten o seu orixe nos «Dous Mecanismos de Pago de facturas a Proveedores» que de forma obrigatoria o Concello tivo que asumir nos anos 2022 e 2023 debido a que A Cañiza non cumpriu coas súas obrigas de pago no tempo que marca a LEY: “superior a 60 días e excesivamente elevado no tempo”.
Soamente 98 concellos dos 8131 de toda España estiveron obrigados a cumprir con este mecanismo polo que A Cañiza declarou a cantidade de 2.769.008,52 € de facturas pendentes de pagar dende o ano 2014.
A través do Primeiro Mecanismo do ano 2022 o Concello declarou á Axencia Tributaria 1.240.415,52 € en facturas pendentes e no ano 2023 un total de 1.528.593 €.
O Mecanismo de Pago a Proveedores foi unha ferramenta que permitiu pagar todas as facturas que estaban pendentes dende hay case 9 anos e cumprir coa obriga de pagar o debido.
Pero nun comunicado que o Concello publicou o pasado 3 de maio, xa avanzou que, con todo, estas dúas obrigas de Hacienda traerían consecuencias para os ingresos do Concello, porque teríamos que devolver estas cantidades. O que non se sabía era a cantidade mensual.
A devolución destes 2.769.008,52 €, se practica a través das retencións dos ingresos que o Concello percibe do estado (pola Participación nos Tributos do Estado) e que A Cañiza se corresponden 92.000 €/mes.
Ao reter Facenda o 50 % o Concello deixa de ingresar cada mes 46.000,00 € un total de 552.000 € menos ao ano.
Con todo o Concello pode solicitar a rebaixa desta retención ata o 25 % (aclarar que esta é unha potestade de Facenda, que é quén decide canto vai rebaixar en función da situación de cada concello). O Artigo 117 da Ley de Presupuestos Generales del Estado 2023, permite esta rebaixa sempre que a Corporación acredite a existencia de graves desfases na tesourería.
Necesidade de sanear as contas
Todas estas medidas están adoptadas para poder equilibrar os capítulos de gastos e ingresos nos vindeiros exercicios, pero que o alcalde xa avanzou que “será moi complicado conseguilo se o Ministerio de Facenda non rebaixa a retención, xa que á grave situación económica do noso Concello, herdada de mandatos anteriores, hay que engadir a carestía da prestación dos servizos pola nosa configuración territorial: un territorio de 108 Km, cunha poboación altamente diseminada e barrios pouco poboados”. Continúa manifestando o Alcalde que “tampouco podemos sacrificar máis aos nosos veciños, que non teñen a culpa de que non se teña gobernado antes con responsabilidade atendendo ás posibilidades económicas do Concello”. “con todo non podemos deixar de realizar o noso traballo, ainda que sabemos que estas decisións son difíciles e máis nos tempos que estamos vivindo coa carestía e aumento de prezos do Mercado”.
Remata o alcalde manifestando que “esperamos que o Ministerio de Hacienda teña en conta o sacrificio que todos os cañicenses estamos facendo asumindo a actualización dos impostos e taxas e os recortes en determinados gastos e que nos conceda a rebaixa da retención ata o 25 %. De non ser así o Concello deixará de percibir 552.000 €/ ano. Se conseguimos a rebaixa os ingresos do Estado pasarían de 1.104.000 a 828.000 €”.
O Concello non está intervido por Facenda
Por outra banda o alcalde aclarou que “o Concello non está intervido por Facenda, senon que ten que devolver os 2.769.008,52 € que o anterior Goberno do PP non foi quen de pagar, a pesares de realizar o gasto. A situación actual ven derivada da falta de rigor e inadecuada praxis municipal do Goberno anterior, e invito a todos os veciños que teñan dúbidas a comprobalo en instancias municipais”.
