3.1 C
Pontevedra
Martes, 31 de Xaneiro de 2023
Máis
    HomeA ParadantaA CañizaA Cañiza aproba o Plan de Mobilidade Urbana Sostible

    A Cañiza aproba o Plan de Mobilidade Urbana Sostible

    O pasado 25 de novembro o Pleno do Concello, en sesión ordinaria, aprobou o documento definitivo do PMUS do Concello da Cañiza, elaborado pola empresa Azteca Consulting de Ingeniería S.L. e adxudicado o pasado 16 de febreiro de 2021 por un importe de  6.125,94 euros.

    O Plan servirá para adaptar A Cañiza ás novas directrices europeas basadas na planificación dunha mobilidade máis eficiente e un territorio máis atractivo para vivir e con maior calidade de vida.

    Ademais permitirá ao Concello acceder ás subvencións do Pacto Verde da Unión Europea: mellora de viais, interconexión de estradas, eliminación do tráfico pesado, humanización de espazos, construcción de sendas peonís e carrís bicis ou eliminación de barreiras arquitectónicas entre outras moitas actuacións.

    O documento aborda cuestións tan importantes como os movementos de tráfico, as peonalizacións, as humanizacións, zonas onde se debe intervir para incrementar a seguridade viaria, entre outros aspectos.

    Para elaborar o PMUS, a empresa Azteca Consulting de Ingeniería S.L., recopilou información e datos de todo o municipio co obxecto de avaliar a incidencia das redes de comunicación da contorna na mobilidade do espazo urbano. Neste sentido, o ámbito do PMUS da Cañiza tamén posúe unha dimensión comarcal.

    Está destinado a mellorar a accesibilidade do casco urbano e proporcionar unha mobilidade de alta calidade. Será unha ferramenta de xestión municipal para organizar de xeito eficiente os distintos modos de transporte xerados no núcleo da Cañiza, fomentando os máis respetuosos co medio ambiente e racionalizando o uso dos vehículos.

    O obxecto do plan é dispor dun instrumento de xestión que se traduza en accións encamiñadas a:

    • Recuperar o espazo público para a cidadanía coa finalidade de procurar  unha maior calidade de vida dos cidadáns, incidindo na recuperación do uso multifuncional do espazo público e promovendo os modos de transporte non motorizados.
    • Favorecer unha accesibilidade aos servizos igualitaria e inclusiva, que tamén implique a atención ao transporte colectivo e acadar unha maior seguridade viaria, en especial para persoas maiores e poboación escolar.
    • Reducir o impacto ambiental do transporte e conseguir un mellor balance enerxético, mediante a redución do consumo enerxético baseado en combustibles fósiles, o apoio aos vehículos menos contaminantes e sensibilizando á poboación sobre os necesarios cambios da cultura da mobilidade baseada no automóbil.
    • Integrar o desenvolvemento urbanístico na estratexia do PMUS, facendo unha planificación municipal que permita unha perspectiva a longo prazo da mobilidade sustentable, promovendo un novo marco urbanístico que non favoreza o uso do automóbil e procure unha trama urbana máis compacta que dote de boa accesibilidade a equipamentos e dotacións.

    Todos estes obxectivos son coherentes cos principios da «rede Ágora» de mobilidade, unha iniciativa promovida pola Deputación de Pontevedra, da que participa o Concello da Cañiza, baseada «nun modelo de intervención no que ás persoas son as protagonistas do desenvolvemento urbano».

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS