O vindeiro martes, 15 de agosto, celébrase a esperada xornada gastronómica da Feira do Xamón e o VIII Concurso Nacional de Cortadores de Xamón.
Esta xornada desenvolverase chea de folclore e gastronomía, na que os productos da vila, o xamón e os viños da Paradanta, serán os grandes protagonistas.
Programa
Ás 11.00 horas comezará a venda de tickets para a compra das racións da Xornada Gastronómica do Concello. Servirase xamón curado, asado, en empanada, en tortilla e xamón empanado.
Todas as racións terán un precio de 7 €, incluindo a especialidade de xamón elexida, pan, auga e un vaso de viño da terra. Excelentes albariños brancos da D.O. Rías Baixas, das prestixiosas adegas EIDO DA FONTE e TERRAS de ABELAN que tamén estarán presentes na Feira con stand propio cos seus mellores e premiados caldos. Ademáis, de agasallo un pano conmemorativo como lembranza da nosa Feira e unha rifa para participar no sorteo de dous xamóns.
E, ainda que o stand do Concello pecha pola tarde, durante todos os días, os establecementos da vila continuarán servindo xamón.
Tamén ás 11 da mañá dará comezo o VIII Concurso Nacional de Cortadores de Xamón na que xa están escritos os mellores profesionais. Todas as racións (agás as dos pratos creativos) se destinarán á venda.
Ás 12 horas terá lugar o desfile da comitiva do xamón dende a Casa Consistorial ata a Carballeira, encabezado polo tradicional carro galego, cargado de xamóns e tirado polos espectaculares bois de Mario Nogueira. Participan tamén no desfile os cabezudos, os nenos ataviados co traxe rexional portando as bandexas cos pinchos de xamón, rememorando a tradición das primeiras edicións de agasallar aos visitantes á festa con este pequeno pincho. O Alcalde Luis Piña, Concelleiros e demáis invitados acompañaran esta comitiva. E como non podía faltar o noso benquerido grupo de Gaitas da Asociación Cultural Santa Cristina de Valeixe amenizará o desfile.
Na Carballeira tamén agardan os acordes do Grupo de Gaitas «BARALLOCAS» da Cañiza e da Charanga «NOROESTE».
Xa chegados ás 14.30h entregaranse os premios aos gañadores do Concurso de Cortadores e sortearanse entre todos os asistentes 2 xamóns da terra.
Pola tarde, ás 19.00 h, celebrarase o Torneo de fútbol “Trofeo Festa do Xamón” no campo de Fútbol de O Vieiro e á mesma hora pero na rua Oriente, diante do Concello, espectáculo infantil de animación «A Bailar no Verán», a cargo da COMPAÑÍA ANIMAR-T.
O día grande da Cañiza pecharase cunha verbena. A partires das 22.30 h, a festa estará amenizada polo Grupo LA NAVE (que actuará na Rúa Antonio Facorro) e a Orquestra GRAN PARADA dende a Praza Maior.