Comarcas

O goberno ponteareán informa da apertura do prazo, ata o vindeiro 11 de maio, para que todas as asociacións de traídas veciñais de augas poidan solicitar as axudas convocadas por importe de 70.000€.

Os pilotos redondeláns Théo e Álex Gourdon Rafael debutarán esta fin de semana no campionato Hawkers European Talent Cup, dentro do Fim Cev Repsol, e farano da man do equipo Leopard Impala Junior Team.

O Concello de Tomiño está desenvolvendo estas semanas un amplo estudo para coñecer de primeira man a situación actual das Comunidades de Montes do municipio. A iniciativa pretende conseguir información ordenada e actualizada das 15 entidades existentes na localidade co obxectivo de poder detectar as súas necesidades e capacidades, o que permitirá establecer novos eidos de traballo conxunto entre estas institucións e a administración local.

A alcaldesa do Rosal, Ánxela Fernández Callís, visitou este martes as obras de creación do ecoparque Campo Novo, en Viso dos Eidos, para comprobar a evolución dun proxecto que suporá a transformación da zona nun espazo de convivencia para a veciñanza. Durante a visita, a rexedora estivo acompañada pola arquitecta e paisaxista María Fandiño, autora do proxecto de remodelación, quen ensinou á alcaldesa os achados realizados dende o comezo das obras hai un mes.

O Consello da Xunta autorizou hoxe a sinatura dun convenio de colaboración co Concello de Salvaterra de Miño para a apertura e a urbanización da rúa Galicia, cun investimento autonómico de máis de 500.000 euros. No marco desta colaboración, a Xunta financiará as expropiacións dos terreos necesarios e a execución das obras. O Concello deberá realizar os trámites expropiatorios, redactar o proxecto, licitar e acometer os traballos.

A Vicepresidencia primeira da Xunta de Galicia vén de investir en diversas melloras de saneamento, limpeza, acondicionamento do medio natural e eficiencia enerxética no Concello das Neves ao abeiro do Fondo de Compensación Ambiental (FCA) 2020, que reportou máis de 52.000 € para estas actuacións.

O concello da Guarda  elaborou o proxecto 'Trega 2020+5' para desenvolver o potencial patrimonial, social, cultural e científico do castro  do Trega a través...

Un total de 13 establecementos de hostalaría de Redondela veñen de dar toda unha lección de solidariedade e axuda aos que máis o precisan achegando, unha vez por semana, Menús Solidarios ás familias usuarias dos Servizos Sociais Municipais. Unha vez preparados, estes son entregados de xeito gratuíto nos domicilios dos beneficiarios pola empresa redondelá de reparto de comida a domicilio Roombo.

A Rede Intermunicipal das Bibliotecas Públicas Municipais do Alto Minho (RIBAM) inicia, este venres, 23 de abril, en pleno Dia Mundial do Livro e dos Direitos de Autor, o seu Clube de Leitura Online. Con 12 anos de experiencia en encontros de lectores no formato presencial, a Biblioteca Municipal de Vila Nova de Cerveira súmase a este desafío que, na primeira sesión, contará coa participación da exministra de Cultura, Isabel Pires de Lima. As interesadas e interesados poden asistir en directo a través do Facebook, a partir das 15 horas (hora de Portugal).

A próxima fin de semana en Nigrán é de teatro. O grupo Teatro do Ar presenta a súa nova obra "Un vals para Cincinatti", nun dobre pase no auditorio do Concello o sábado e domingo ás 20.00 horas con entrada libre ata completar un aforo reducido, soamente poderán entrar 70 persoas cada día.

O deputado do PP e voceiro local da Cañiza, Miguel Domínguez, solicita á Deputación de Pontevedra un convenio económico co Concello que permita reabrir a piscina climatizada que xa leva pechada catorce meses.

O Concello de Mos fixo entrega dos aparatos medidores de CO2 a todos os negocios de hostalería existentes no municipio, un total de 75. Tanto restaurantes como bares, cafeterías e taperías están a recibir de balde o seu aparello grazas á colaboración, ao 50%, entre a administración local e a empresa mosense Rodavigo.