9.3 C
Pontevedra
Venres, 29 de Marzo de 2024
Máis
    HomeO CondadoPonteareasAberto o prazo para solicitar axudas para obras nas traídas veciñais de...

    Aberto o prazo para solicitar axudas para obras nas traídas veciñais de augas en Ponteareas

    O importe total é de 70.000 € e o prazo rematará o vindeiro 11 de maio

    O goberno de Ponteareas informa da apertura do prazo, ata o vindeiro 11 de maio, para que todas as asociacións de traídas veciñais de augas poidan solicitar as axudas convocadas por importe de 70.000€. Na pasada semana, as entidades recibiron toda a información por parte do Concello, para que puidesen preparar a súa documentación e agora presentala.

    “Grazas a esta convocatoria de axudas, puidéronse realizar investimentos por importe superior a medio millón de euros na maioría das parroquias con traídas veciñais”, lembran dende o goberno do BNG e do PSOE.

    A convocatoria deste ano primará as peticións das traídas que non recibiron axuda noutros anos. Ademais, a concesión destas axudas supón unha inxección de fondos que promoven o emprego próximo, porque permiten que as comunidades de augas contraten obras que, moitas veces, son realizadas por pequenas empresas locais.

    As bases da convocatoria e os formularios de solicitude a presentar poden consultarse na web municipal https://ponteareas.gal/axudas-subvencions/.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.