Comarcas

A alcaldesa de Mos, Nidia Arévalo, acompañada polo segundo tenente de alcaldesa e concelleiro de Patrimonio, Leo Costas, asinaron esta semana ante notario a compra por parte do Concello de terreos no Castro de Torroso a dous particulares. Con esta adquisición dáse o paso necesario para poder iniciar a posta en valor do Castro de Torroso, un dos xacementos arqueolóxicos castrexos máis antigos de Galicia.

Dar a coñecer a riqueza natural, histórica e etnográfica do Concello de Covelo é un dos obxectivos do calendario que nestes días reparte o Concello entre a súa veciñanza. Acompañar ás veciñas e veciños ao longo do ano, salientar as datas das festas locais e, sobre todo, amosar a beleza natural e paisaxística son outros dos obxectivos deste calendario que se repartíu entre a hostalaría local de todas as parroquias para facilitar que as persoas que non viven no centro urbano poidan recollelo.

Recen comezado o 2024 A Guarda prepárase para gozar da ansiada Cabalgata de Reis do día 5 de xaneiro, que neste 2024 incorpora novidades no seu percorrido e e formato. O percorrido da Cabalgata arrancará ás 18:00 h dende o Porto da Guarda, para subir pola Rúa Concepción Arenal ata finalizar na Praza de Avelino Vicente, sendo na carpa instalada nesta praza onde os Reis realizarán a tradicional Recepción aos nenos, para escoitar os seus desexos nesta noite tan especial para eles.

O Concello de Redondela executou neste ano 2023 máis de 5,4 millóns de euros das axudas europeas de fondos EDUSI (5.432.801,84 €) nos diferentes proxectos subvencionados. Estes fondos da UE serviron para facer realidade importantes obras, mellorar infraestruturas municipais e poñer en marcha novos servizos tecnolóxicos para a cidadanía. Os traballos realizados supoñen un investimento total de 5.432.801,84 €, o que representa unha porcentaxe total do 87 % do programa.

O BNG acadou o voto unánime do pleno da corporación municipal para esixir melloras na atención do Centro de Saúde do Porriño. Hai tan só tres meses, o Partido Popular e a propia concelleira de Política Social negaba a saturación das axendas no Porriño, cando ata a propia Xunta de Galicia recoñeceu no Plan Local de Saúde 2023-2026 que existían necesidades sanitarias non cubertas, con cupos por riba das ratios recomendadas.

Melchor, Gaspar e Baltasar volverán a percorrer este venres, 5 de xaneiro, ás rúas da Eurocidade Tui-Valença. As súas Maxestades de Oriente chegarán ás 16 h até a Estación de Valença, onde serán recibidos polas autoridades locais. Ás 17 h nas súas magníficas carrozas coidadosamente decoradas e iluminadas iniciarán un percorrido de 3,5 quilómetros. Coma veñen facendo dende 2010 os Reis Magos protagonizarán a única cabalgata internacional que se realiza entre España e Portugal.

O goberno municipal vén de acometer o pago da totalidade dos proxectos financiados cos fondos europeos “EDUSI”, salvando así o risco da súa perda cando hai escasamente 5 meses, coa chegada de Nava Castro á alcaldía, aínda restaba case o 30 % dos fondos por pagar debido a unha alarmante falta de planificación na súa xestión así como tamén a unha crítica situación económica que impedía facer fronte a estes pagos millonarios antes do 31 de decembro do 2023.

A alcaldesa de Redondela, Digna Rivas, e os concelleiros do Grupo de Goberno amplían o seu horario de atención ao público co fin de que a veciñanza teña máis doada a posibilidade de trasladarlles as súas preguntas, queixas ou suxestións.

Os Magos de Oriente estarán o día 5 de xaneiro en Redondela ao longo de todo o día. Co gallo da previsión de chuvia para o día de mañá os Reis recibirán aos nenos e nenas nunha carpa instalada no campo da feira de 11.00 h a 13.30 horas. Xa pola tarde, se o tempo o permite, realizarase a cabalgata itinerante polas rúas de Redondela dende as 18:00 h. En caso de choiva as carrozas manteranse na carpa do campo da feira de 17:30 h a 20:30 horas. Na carpa haberá moitas actividades, animación e sorpresas para que os máis pequenos poidan vivir a maxia do día de Reis.

O Concello de Nigrán, a través do seu edil de Sanidade e o voluntario de Camos Suso Barros, retirou neste ano a cifra record de 278 niños de avispa velutina dentro do municipio. O departamento que xestiona Alfonso Vázquez leva desactivado desde o ano 2018 preto de mil colmeas (270 en 2018; 183 en 2019; 175 en 2020 e 250 en 2022)

O Concello de Ponteareas, a través da concellería de Seguridade que dirixe o tenente de alcalde Juan Carlos González, vén de intensificar a súa labor de vixilancia en materia de seguridade viaria e de convivencia cidadá co obxectivo de responder ás demandas dos veciños e das veciñas.

As súas maxestades as Raíñas e Reis de Oriente ultiman os preparativos para a súa visita oficial ao Concello de Covelo. O vindeiro día 6 visitarán as parroquias e o centro urbano parándose a saudar nos negocios de hostalaría, nas prazas e nas casas e centros culturais.