Ponteareas

O PP de Ponteareas denunciou hoxe o "mal estado e abandono" no que, ao seu entender atópase a Freixa e "comparte o malestar que denuncian os veciños pola suciedade da auga na propia praia fluvial derivada da acumulación de restos de follas e polvo que se producen pola colocación dunha 'corchera' ano tras ano".

A alcaldesa en función, Cristina F. Davila, convida a toda a infancia e mocidade a sacarlle o máximo partido ao novo espazo creado para eles e elas na páxina web municipal co obxectivo de facilitarlles a súa participación. Desde a creación do consello municipal de infancia e adolescencia, os nenos, nenas e adolescentes representantes dos distintos centros escolares teñen a oportunidade de expoñer directamente ao goberno municipal a súa opinión sobre aqueles aspectos que máis lle preocupan, así como de achegar as propostas de solución que consideran máis oportunas en cada caso.

A concellaría de Mobilidade e Tráfico que dirixe Roberto Mera continua coa súa campaña informativa sobre a reordenación de espazos peonís e tráfico prevista para un total de 14 rúas durante o mes de agosto. Tras concluir o proceso na zona oeste da vila, no entorno do Mercado Municipal, agora a campaña lévase a cabo na zona leste.

A Asociación Ponte Solidario vén de facer un chamamento á colaboración para paliar a "urxencia sanitaria" que vive a Asociación. A actividade de Ponte...

Unha persoa sufriu feridas de consideración como consecuencia dunha colisión frontal entre dous vehículos en Ponteareas. No sinistro tamén resultou ferida outra persoa, aínda que de carácter leve. Así o indicaron os efectivos de emerxencias a través do 112 Galicia unha vez que remataron a súa intervención coa excarceración dunha das vítimas.

Hoxe luns día 10 de agosto, na Biblioteca Municipal de Ponteareas entregáronse os premios do concurso de relatos 'Remata o conto'. Unha iniciativa realizada pola Concellaría de Cultura en colaboración coa Asociación Comercial Banastra con motivo da IV edición da Feira do Libro de Ponteareas.

O concello de Ponteareas presentou hoxe o 'Mercaserán', unha iniciativa do comercio ponteareán que une esforzos para pór en valor a súa ampla oferta de servizos e produtos. A alcaldesa en funcións, Cristina Fernández, e a concelleira de Promoción Económica, Eva Gil, presentaron hoxe xunto a membros da Asociación de Comerciantes Tea e a membros de BANASTRA esta primeira edición que terá lugar o vindeiro venres 14 de agosto seguindo tódalas medidas de seguridade e distanciamento COVID-19.

O Concello de Ponteareas programa unha nova sesión de 'Cine na rúa' para este xoves día 13 ás 22 horas na Feira Vella. O actor Amador Arias presentará o filme 'O que arde' do director Oliver Laxe e premio do xurado no afamado festival de Cannes. Santiago Fillol e Oliver Laxe guionizan este drama protagonizado por Amador Arias e Benedicta Sánchez.

Se Ponteareas ten na música un dos seus sinais de identidade, algo que ninguén dubida, a parroquia de Guláns cheira a música polos catro costados. Non é polo tanto de estrañar que unha filla desas terras, Noelia Porto, fora elixida para participar na sección de Recantos do incombustible 'Luar' da TVG para representar ás comarcas do Condado, A Paradanta e o Baixo Miño.

O PSOE de Ponteareas denunciou hoxe os acontecementos ocurridos na mañanciña de onte no que foron agredidos dous Policías Locais por un grupo de...

O vindeiro luns darán comezo os traballos de pintado e sinalización de diferentes rúas no entorno do Mercado Municipal. As actuacións forman parte do plan de reordenación dos espazos peonís e do tráfico nas rúas A Braña, Fernández Vega, Perillana, Esperanza, República Arxentina, Morales Hidalgo, A Estrada, Castiñeira, Virxe da Luz e A Minada.

Dende o pasado 15 de xullo, a Escola de Música de Xinzo deu comezo ao período de inscrición para o vindeiro curso, prazo que permanecerá aberto ata o día 31 de agosto. Os novos alumnos poderán matricularse nas clases de Linguaxe Musical e Instrumento, ao que se suma a posibilidade de entrar a formar parte da Banda de Música Infantil.