17.6 C
Pontevedra
Mércores, 19 de Xuño de 2024
Máis
    HomeO CondadoPonteareasPonte Solidario inicia unha campaña de captación de fondos "pola urxencia alimentaria"...

    Ponte Solidario inicia unha campaña de captación de fondos “pola urxencia alimentaria” que vive a asociación

    A Asociación Ponte Solidario vén de facer un chamamento á colaboración para paliar a “urxencia sanitaria” que vive a Asociación. A actividade de Ponte Solidario dende marzo viuse incrementada sustancialmente e a ese incremento de solicitudes sumouse a imposibilidade de realizar recollidas de alimentos e produtos de hixiene e limpeza nos supermercados ou na rúa.

    En marzo a Asociación facía unha chamada á solidariedade e “como sempre, a resposta foi inmensa e conseguimos recadar 3.362,28 €”, explica Ponte Solidario. Grazas a esa redacación puideron facer catro compras nos últimos catro meses “e tivemos o almacén preparado para repartir máis de 200 lotes a familias con problemas económicos”. “Nestes intres voltamos ter unha situación precaria e calculamos existencias unicamente ata finais de outubro”.

    Precisamos de ti! di Ponte Solidario que ofrece dúas formas de colaborar de xeito inmediato. Unha, achegando produtos polo local, os sábados de 10:30 h a 13 h ou contactando coa asociación para recollelo no 600 58 43 86 ou no enderezo de correo electrónico pontesolidario@gmail.com

    Outro xeito de colaborar e realizando unha doazón económica na conta ES81 0133 4281 1342 0000 3088, MICROBANK, Asociación Ponte Solidario

    En caso de optar por doar produtos, a Ponte Solidario lembra que os máis necesarios son os de hixiene feminina, aceite, latas de conservas, leite e galletas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.