A Concellería de Normalización Lingüística do Concello de Redondela, dirixido pola alcaldesa Digna Rivas, presenta “A Cápsula do tempo”, un proxecto pioneiro que non se atopa en ningún outro municipio da contorna e que ten a intención de impulsar o uso do galego na infancia. “Esta iniciativa é unha idea orixinal da Concellería de Normalización Lingüística dirixida ás escolas de Educación Infantil que pretende inculcar o uso da lingua galega entre os cativos e cativas de 3 anos en adiante, para que crezan con ela e evitar a súa desaparición”, explica Rivas.
Este é resultado dun traballo colectivo entre o Servizo de Normalización e os equipos de dinamización dos centros escolares públicos de Redondela aos que Rivas “agradece a súa colaboración e participación, así como o interese dos equipos directivos dos distintos colexios que solicitaron participar”.
“A Cápsula do tempo” está composta por unha caixa de agasallo na que se poden atopar libros que fomentan o uso do galego, unha bolsiña da merenda, lapis de cores ou unha fiambreira. “Todoseles s obxectos útiles, que poidan usar na súa vida cotiá os veciños e veciñas de Redondela”, explica Rivas.
Dentro dos libros escollidos atópase os contos de Kalandraka cos cales aprenderlles palabras en galego; un libro dirxido aos pais e nais, didáctico, divertido, fácil de ler, no cal através de 7 anécdotas se tratan cuestións sobre a situación social da lingua galega e os beneficios da educación bilingüe; e a “obra estrela” que sería A Cápsula do tempo que segundo Rivas, “acompañará aos vosos fillos e fillas en cada curso. Estes completarán o exercicio que se lle pide nel e quedará gardado na escola para convertense nunha auténtica capsula do tempo. Cando rematen o período escolar, en 6º de primaria, no acto de despedida entregaráselles a cada un o seu libro que será un recordo vivo do paso pola escola e tamén da súa relación coa lingua galega”.
Rivas engade que “esta iniciativa ten a intención de contrarrestar a perda de galego falantes, unha realidade constatada dende hai anos. Non quere dicir que vaia a desaparecer pero si que se reducirá en espazos e na vida socia- lCando sexan as enquisas lingüísticas, dádelle unha oportunidade o galego e marcádeo para solicitar que sexa a lingua vehicular nas aulas. Coa vosa axuda, poderemos dicir a toda Galicia que Redondela aposta en firme polo galego”.
Dende o departeamento de NL queren alentar a ser conscientes “do patrimonio inmaterial que posuímos que é único no mundo. Unha lingua cunha literatura que se estuda en numerosas universidades, dende Estados Unidos até Inglaterra, de Francia a Xapón. Rosalía de Castro é obxecto de teses en distintas linguas. E todo isto témolo nós e de nós depende o seu futuro. A lingua non depende só das decisións da Administración senón do conxunto do pobo de Galicia, das institucións e das familias”.
