A Deputación de Pontevedra, a través de SmartPeme, oferta esta semana tres novas accións formativas impartidas de xeito online, enmarcadas na carteira de obradoiros que se imparten de forma telemática. As accións tratarán temas como o márketing, a edición de vídeo con Canva ou a venta de produtos nun marketplace
O martes 11 será Sonia Torres, con posgrao en Xestión e Dirección de Empresas Turísticas, quen imparta un obradoiro sobre “Técnicas de márketing para a promoción de tours, experiencias e actividades” dirixido a empresas turísticas que ofrezan servizos de ocio e entretemento. Ao día seguinte, o mércores 12, SmartPeme ofrecerá un obradoiro no que se ensinará “Edición de vídeo básica: a nova función de Canva” da man de Laura Taboada, titulada superior en Ensinos Artísticos de Deseño Gráfico. Será o xoves 13 cando María Aller, con posgrao en Comunicación Corporativa, explique “Como vender os teus produtos nun marketplace”, sitios web nos que as persoas compradoras e as vendedoras poden relacionarse para levar a cabo transaccións comerciais.
As persoas interesadas poden inscribirse a través do sitio web de SmartPeme na url de cada evento. Tamén é posible facelo enviando un correo ao enderezo info.smartpeme@depo.es ou no teléfono 886 202 020.
