O Grupo de Goberno do Concello de Salvaterra vén de presentar ao Pleno da Corporación unha proposta da Alcaldía onde se solicita a Renfe Viajeros que reconsidere a decisión pola que retiraria, da coñecida como Vía do Miño, os trens que unen Vigo con Madrid, mantendo as paradas en Redondela e Guillarei en vez de facelo en Santiago.
O Goberno que preside Marta Valcarcel pide tamén que se estude a creación de novas liñas VIGO – OURENSE E OURENSE -VIGO que faciliten os horarios laborais dos veciños e veciñas para desprazarse aos seus traballos e estudos.
Dende que o 10 de novembro de 1878 chegara por primeira vez o ferrocarril a Salvaterra, este converteuse nun eixo fundamental e vertebrador da vida económica e social do municipio, explica o Concello.
Nun momento onde eran escasos os vehículos o tren converteuse no medio de transporte mais utilizado polos veciños e veciñas para as relacións económicas como persoais uníndonos dunha forma áxil e rápida a Vigo e Ourense.
Ademais de ser un punto de enlace con Portugal, viaxeiros que utilizaban o tren para os seos desprazamentos a Francia no tempo da emigración.
“A día de hoxe esa situación mudou en gran medida debido o uso do vehículo particular que fixo que caira a demanda e como consecuencia a oferta pero temos claro e temos que ser conscientes de que temos que inverter situación”, afirma a alcaldesa Marta Valcárcel.
A rexedodra local sinala amais que “todos somos conscientes da importancia que ten estar comunicados con Vigo e Ourense a través dun servizo publico que nos axude a tomar medidas para reducir a contaminación, e nese senso este concello aprobou unha proposta de Alcaldía en data 25 de novembro de 2019, solicitando unha ampliación nas paradas das liñas xa existentes, co fin de mellorar o servizo ofertado”
Lonxe diso, engade Valcárcel, ‘vemos como de repente Renfe elimina as paradas da vía do Miño, para desvialos os trens por Santiago, polo que cremos que é necesario mostrar a nosa disconformidade e solicitar un servizo digno e de calidade para os nosos veciños e veciñas”.