A Concellería de Medio Ambiente do Concello de Redondela vén de recibir dous vehículos destinados a actuacións de protección do ambiente e do espazo natural, incluídas aquelas actuacións que teñen por obxecto a prevención e o control da biomasa.
A praia de Cesantes foi testemuña da entrega de chaves destes vehículos adquiridos co Fondo de Compensación Ambiental da Xunta de Galicia que ten como finalidade a aplicación de actuacións globais destinadas á conservación, reposición e restauración do ambiente e equilibro territorial.
Os vehículos foron adxudicados en concurso público a empresa BAYGAR por un valor de 38.720 € investimento do que 80 % o aporta a Xunta de Galicia do Fondo de Compensación Medio Ambiental e 20 % que resta o aporta o Concello de Redondela con fondos propios.
Estes vehículos lixeiros con tracción as catro rodas permitirán os operarios municipais transitar por sendas estreitas para o control da biomasa e facilitar as limpezas medioambientais que se realizan nos diferentes espazos naturais do Concello. Polo que será habitual velos transitar polos camiños , sendas fluviais, forestais, zonas verdes e no entorno dos areais do municipio entre outro tipo de actividades que poidan ser precisas.