O Grupo Municipal do PP rexistrou unha petición dirixida ao alcalde, Xosé Represas, para solicitar a redución do salario de todos os edís da Corporación que gozan de dedicación. A esixencia dos populares é que “polo menos sexa un 50 % de redución e que sexa aplicado con efecto inmediato e mentres dure o Estado de Alarma”.
“Nun momento no que toda a sociedade está a arrimar o ombreiro, facendo un sacrificio económico e social, nós non podemos ser menos. Debemos dar exemplo e contribuír na medida do posible a atallar esta situación. Por iso esperamos que esta medida sexa aplicada e conte co visto e prace do bipartito”, aseguran os populares.
Solicita o PP que o diñeiro sexa destinado ao Fondo solicitando en días atrás para axudas a autónomos e empresarios, “que se están vendo gravemente afectados polo peche dos seus negocios”.
