A Deputación de Pontevedra, a través de SmartPeme, oferta esta próxima semana catro novas accións formativas impartidas de xeito online, enmarcadas na carteira de obradoiros que se imparten de forma telemática. As accións versan sobre como utilizar Instagram para promover unha empresa, como xestionar e comercializar vivendas e apartamentos turísticos, falarase de Blockchain: unha tecnoloxía que pode cambiar o mundo, e de como crear unha páxina profesional con WordPress.
En concreto, este martes 20 impartirase o obradoiro Como utilizar Instagram para promover a túa empresa II, estarán a cargo de Esther Garcinuño, Diplomada en Ciencias Empresariais, quen falará da utilidade desta ferramenta para dirixirse ao público potencial e conectar de xeito rápido coas audiencias.
O mércores 21, Sonia Torres, Técnica en Empresas e Actividades Turísticas, impartirá Xestión e comercialización de vivendas e apartamentos turísticos, obradoiro que plantexará a importancia dunha boa xestión da man das novas tecnoloxías de comercialización e marketing en liña para aumentar reservas e beneficios.
Para finalizar, o xoves 22, chegará Blockchain: a tecnoloxía que pode cambiar o mundo a cargo Manuel Freire, experto universitario en Robótica e Impresión 3D, quen falará da potencialidade desta nova ferramenta. Por último e no mesmo día, María Aller, Licenciada en Publicidade e Relacións Públicas, impartirá o obradoiro Crea unha páxina profesional con WordPress II, dando continuidade ao anterior.
