10.8 C
Pontevedra
Martes, 19 de Marzo de 2024
Máis
    HomeUltimas NoticiasO 'Revitaliza' da Deputación podería aproveitar cada ano ata 60.000 toneladas de...

    O ‘Revitaliza’ da Deputación podería aproveitar cada ano ata 60.000 toneladas de biomasa forestal residual para minguar os lumes forestais

    O asesor de residuos Carlos Pérez participou hoxe nunha ‘webinar’ do Instituto Tecnolóxico de Galicia e a Asociación Forestal Galega para falar das potencialidades da compostaxe na xestión do monte

    O Revitaliza podería chegar a aproveitar cada ano 60.000 toneladas de biomasa forestal residual para minguar a posibilidade de propagación dos lumes forestais nos montes da provincia. Así o indicou hoxe o asesor de residuos da Deputación, Carlos Pérez, na súa participación nunha ‘webinar’ organizada polo Instituto Tecnolóxico de Galicia e a Asociación Forestal Galega.

    Pérez defendeu a hipótese de que sería posible establecer mecanismos de relación entre o programa de xestión de residuos orgánicos da Deputación e a prevención de lumes forestais. Segundo dixo, a necesidade de material leñoso (estruturante) que se necesita na compostaxe estase a cubrir a día de hoxe coa poda de arborado urbano e de elementos privados, mais “poderíase afectar a masa forestal de cada concello sen entrar en competencia co negocio da biomasa madeirable”. Deste xetio, explicou, minguaría a posibilidade de propagración do lume, xa que se detraería material do monte potencialmente perigoso para arder.

    Pérez puxo números sobre a mesa e explicou que na provincia de Pontevedra a fracción orgánica dos residuos municipais de máis dun terzo da poboación podería ser tratada por medio de composteiros individuais, outro terzo a través de centros de compostaxe comunitaria, e outra décima parte por pequenas plantas comarcais, chegando a poder tratar no local ou no próximo os biorresiduos de máis do 80% da poboación.

    Tendo isto en conta, e extrapolando os datos de produción de lixo orgánico de 2019, anualmente poderían chegar a tratarse mediante a compostaxe do Revitaliza ata 144.000 toneladas de biorresiduos domésticos na provincia. Este volumen de orgánicos precisaría da orde de 60.000 toneladas de triturado de material leñoso residual para poder iniciar o proceso de compostaxe.

    “O Revitaliza é un potencial aliado contra os lumes forestais”, subliñou, explicando así mesmo que é preciso analizar fondamente de que maneira se podería establecer a simbiose a través das administracións, xa que só o 2% da extensión forestal galega é pública, o 32% está en ‘man común’ e o 65% é privada.

    Pérez puxo todos estes datos sobre a mesa na xornada de ‘Presentación de ferramentas de avaliación do recurso forestal e plans municipais de defensa contra incendios’ organizada ao abeiro do proxecto GEFRECON de ‘Xestión Forestal conxunta para prevención de icendios forestais en territorio POCTEP’, cofinanciado con fondos europeos a través do programa Interreg V-A España-Portugal.

    Segundo explicaron dende a organización, as xornadas do proxecto GEFRECON tiñan como obxectivo “poñer en marcha accións innovadoras que permitan reducir o risco de incendios forestais mediante o desenvolvemento e implementación de plans conxuntos, a sensibilización da poboación, a información e formación en autoprotección e a promoción da creación de empresas forestais”, un eido no que incluíron ao Revitaliza.

    Estas xornadas do Instituto Tecnolóxico de Galicia e a Asociación Forestal Galega volverán repetirse en formato online cos mesmos relatores de hoxe o vindeiro venres 27 e o luns día 30 de 10 a 11.45h da mañá. A inscrición é gratuíta e pode formalizarse en https://docs.google.com/forms/d/e/1FAIpQLSdY6QGXv6qQJPO8C_vXsyR9n26-aCTSWLmiuwVuZxv1E6I0tg/viewform.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.