O alcalde de Baiona, Carlos Gómez Prado, vendo que o ritmo de vacinación “non é o idóneo e ante as grandes aglomeracións que veñen producindo no IFEVI”, fixo chegar ao Sergas “a total predisposición do Concello de Baiona” en colaborar en todo o que sexa necesario para facilitar que a campaña de vacinación masiva da poboación do Val Miñor, “axilícese e se leve a cabo no municipio”.
Desta forma, Carlos Gómez, pon ao dispor da Xunta “as instalacións municipais pertinentes”, así como todos aqueles medios materiais e humanos municipais que puidesen precisar para levar a cabo a vacinación masiva contra o COVID-19 e, desta forma, “conseguir o obxectivo de vacinar aos habitantes do Val Miñor canto antes”.
O alcalde lembra que Baiona acolleu o pasado mes de marzo un cribado masivo no Pavillón Municipal de Deportes “e que funcionou de maneira óptima tanto para o persoal sanitario como para a cidadanía en xeral”.
Carlos Gómez considera que nestes momentos “débense axuntar esforzos entre todas as administracións públicas para saír canto antes desta grave crise sanitaria e económica que estamos a sufrir no noso país”, polo que considera “necesario e imprescindible” ofrecer á Servizo Galego de Saúde “todos os nosos recursos humanos e materiais para acelerar a vacinación á cidadanía”.