14.6 C
Pontevedra
Domingo, 25 de Febreiro de 2024
Máis
    HomeUltimas NoticiasEspazo Xove de Tui acolle, dende hoxe xoves, a mostra «ZOOM: do...

    Espazo Xove de Tui acolle, dende hoxe xoves, a mostra «ZOOM: do individuo á paisaxe»

    A mostra colectiva de artistas emerxentes da Facultade de Belas Artes constará de dúas partes e alongarase ata o 17 de xaneiro

    O espazo Xove de Tui acollerá a exposición de fotografía ZOOM: do individuo á paisaxe, do 26 de decembro ao 7 de xaneiro. A exposición constará de dúas partes que se sucederán cronoloxicamente: unha primeira do 26 ao 7, e unha segunda do 7 ao 17. 

    A mostra recollerá as obras de artistas emerxentes da facultade de Belas Artes. Así, poderemos atopar fotografías de Anubis Muñoz, Ricardo Lede, Luzía Rúa, Emma Sotelo, Cristina Chiarroni, Emma Diarte, Sara Maneiro e Cora Novoa. Ademais, os comisarios organizadores de toda a exposición tamén serán alumnos da propia facultade (Sabela Rodrigues, Carla Rodríguez, Beatriz Paniagua e Samuel Rodríguez).

    ZOOM: do individuo á paisaxe tratará o tema do corpo humano dende un novo punto de vista. No primeiro volume ofrecerase unha visión xeral do corpo e do individuo. No segundo, pola contra, poderemos atopar o corpo aumentado, descontextualizado. Así, a exposición propón un achegamento ás paisaxes e poéticas do corpo, mediante as súas formas e texturas. Trátase, en definitiva, dunha aproximación ao impersoal e trascendental. 

    A inauguración terá lugar hoxe xoves, 26 de decembro ás 19:00 horas, e a exposición poderá visitarse ata o día 7, de luns a venres de 10:30 h a 13:30 h e de 16:30 h a 20:30 h (entrada de balde).

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.