23.1 C
Pontevedra
Martes, 27 de Xullo de 2021
Máis
    HomeUltimas NoticiasA Deputación adianta os IV Premios Provinciais á Xuventude e anima a...

    A Deputación adianta os IV Premios Provinciais á Xuventude e anima a converter “a crise en oportunidade”

    Convídase á mocidade da provincia a aproveitar o confinamento para comezar a idear e desenvolver os seus proxectos, tamén aqueles relacionados coa crise sanitaria

    Co obxectivo de converter a crise en oportunidade, a Deputación de Pontevedra adianta este ano o lanzamento dos Premios Provinciais á Xuventude ao respecto de edicións anteriores, para que a mocidade da provincia aproveite a situación que estamos a vivir e desenvolva todo o potencial que ten dentro. Deste xeito, as mozas e mozos poden comezar a idear e traballar nos proxectos cos que participar nos premios, aproveitando así o período de confinamento no que nos atopamos.

    De feito, a Deputación quere incentivar todo o talento que se está a ver estes días nas redes sociais, con tantos proxectos liderados por xente moza ao abeiro da crise sanitaria. Por elo, a institución provincial convida a presentarse a todas as persoas novas que están ofertando propostas e iniciativas sociais como a creación de equipos de protección; iniciativas empresariais de persoas emprendedoras que propoñen solucións para necesidades xeradas polo covid-19; ou a multitude de grupos musicais e culturais con interesantes proxectos para este período de confinamento. Hai que resaltar que as bases desta edición dos Premios Provinciais á Xuventude publicaranse no BOPPO nas vindeiras datas pero o prazo de presentación das propostas non se abrirá ata que remate o estado de alarma.

    A dotación económica dos Premios vese incrementada con respecto ao ano pasado en 10.000 euros, repartidos entre todas as categorías. Polo tanto, son 32.000 euros os que se entregarán ás persoas gañadoras das oito modalidades que compoñen esta cuarta edición. As categorías que a conforman son iniciativa social, empresarial, contido dixital, educación en valores, traballo musical, literario, fotografía orixinal e deseño e moda. Esta última modalidade continúa neste 2020 tras o éxito colleitado na súa estrea, na edición anterior.

    Unha das novidades deste ano é que na modalidade de educación en valores, dirixida aos centros de educación secundaria, a idade mínima das mozas e mozos que poden participar adiántase aos 14 anos, cando ate agora era de 16 a 18 anos. Salvo nesta categoría, os IV Premios Provinciais á Xuventude están dirixidos a mozas e mozos de 16 a 35 anos, que poden concursar nunha ou en varias modalidades cun único proxecto orixinal en cada unha delas. As gañadoras e gañadores recollerán os seus trofeos nunha gala que terá lugar durante o último trimestre do ano.

    COLABORACIÓNS

    O Morrazo e O Salnés, éxito asegurado

    Con motivo del día de la patria gallega esta publicación está dedicada a nuestra mágica tierra. “Miña terra galega, donde el cielo es siempre gris” cantaba Siniestro Total allá por los 80.

    Santiago Lopo, «A carteira»

    Santiago Lopo volve a sorprendernos cunha novela na que demostra a súa habilidade para conxugar unha chea de elementos que semellan dispares e que, baixo a súa pluma, combinan á perfección, e facelo dun xeito ameno sen que iso signifique deixar de lado nin a fondura de pensamento nin certa capacidade reivindicativa.

    Clafoutis, un postre clásico francés a base de cerezas

    Os presento uno de los postres más conocidos de la repostería francesa, el Clafoutis. Un postre sencillo, con una elaboración y una combinación de ingredientes que le dan una textura y sabor exquisitos. La combinación de almendra y cereza veréis que es realmente deliciosa.

    Colaboradores

    Alberto Aliaga Sola
    8 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    3 POSTS0 COMMENTS
    Manrique Fernández
    43 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS