8.7 C
Pontevedra
Xoves, 20 de Xaneiro de 2022
Máis
    HomeÉ NoticiaZona Franca e Asociación Down Vigo, asinan un convenio de colaboración

    Zona Franca e Asociación Down Vigo, asinan un convenio de colaboración

    O acordo asinado regula as prácticas profesionais en Zona Franca das persoas pertencentes á Asociación e senta, ademais, as bases para futuros acordos

    Para favorecer os principios de responsabilidade social relativos á plena integración das persoas con capacidades diversas, esta mañá e coa presenza do alcalde de Vigo, Abel Caballero, o delegado do Estado para a Zona Franca, David Regades e o presidente da Asociación Down Vigo, José Manuel García Orois asinaron un convenio que, por catro anos, regula as prácticas profesionais en Zona Franca das persoas pertencentes á devandita asociación e senta, ademais, as bases para futuros acordos.

    Como manifestou José Manuel García Orois, presidente de Down “a sinatura deste convenio é unha vella aspiración da nosa asociación”. Para resaltar a importancia do convenio Orois dixo que “estas prácticas serán un magnífico complemento aos nosos programas de formación para a súa integración no mundo laboral e social”

    Pola súa banda, David Regades expuxo que este é o primeiro convenio aprobado polo ministerio de Facenda que define o marco de colaboración entre ambas as institucións e que polo seu carácter plurianual achega toda a seguridade xurídica a esta acción que en Zona Franca realízase “a favor do exercicio real de dereitos por parte das persoas con discapacidade en igualdade de condicións respecto do resto de cidadáns e cidadás”

    “Non foi fácil chegar ata aquí, pero esta firma pon de manifesto que cando se quere, pódese” dixo Regades quen ademais manifestou que “a chegada destes bolseiros supoñerá unha experiencia enriquecedora tanto para eles como para os empregados públicos xa que compartirán vivencias que contribuirán a un enriquecemento persoal mutuo”. O delegado tamén fixo alusión ás conversacións que xa están a levar a cabo Zona Franca e Down Vigo para realizar o mellor proxecto de rehabilitación para o edificio que se vai a facer no Casco Lanuxe.

    Abel Caballero aproveitou para felicitar á directiva presente no acto de firma polo traballo que realizan desde Down Vigo “unha asociación que se esforza por integrar a diversidade na sociedade “vós sodes os que nos estades marcando o camiño e a sociedade o que ten que facer é, sinxelamente, seguirvos”.

    Tal e como se afirma neste convenio, que terá unha vixencia de catro anos prorrogables, a Administración ten un papel fundamental no ámbito da Responsabilidade Social Corporativa como impulsora de condutas empresariais e cidadás responsables consideradas pola Unión Europea como un elemento estratéxico clave para afrontar os retos do novo milenio.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS