16.6 C
Pontevedra
Xoves, 29 de Setembro de 2022
Máis
    HomeÉ NoticiaTodo listo para o Festival de Cine Inclusivo de Vigo, que este...

    Todo listo para o Festival de Cine Inclusivo de Vigo, que este ano estará dedicado ao persoal sanitario

    O certame, integrado na marca provincial de calidade da Deputación “Rías Baixas Film Fest”, celebrarase entre o 13 e 17 de outubro

    “Esta provincia e esta cidade son o motor da cultura en todos os eidos”. Con estas palabras, a presidenta da Deputación, Carmela Silva, participou hoxe na presentación da quinta edición do Festival de Cine Inclusivo de Vigo, xunto ao alcalde de Vigo, Abel Caballero, o director do evento, Gonzalo Suárez, o director de AGADIC, Jacobo Sutil, e a directora de Caixabank oficina Príncipe, Sonia Saromán. O certame, que organiza a Asociación Galega Audiovisual Inclusiva (AGAIN), celebrarase entre os días 13 e 17 deste mes de outubro na cidade olívica.

    No acto celebrado no Museo Marco, Carmela Silva enxalzou que o festival, que se atopa baixo a marca provincial “Rías Baixas Film Fest”, “reinvéntase cada ano, suma iniciativas e proxectos e sempre con esa idea de que todas as persoas somos iguais e temos dereito a participar activamente en todo”. Amais, a presidenta provincial tamén destacou que é un certame “marabilloso” porque “está cheo de principios básicos”. Pola súa banda, o alcalde de Vigo subliñou a importancia das corporacións locais no mundo da cultura e fixo fincapé na influencia do cine “nas nosas expresións, formas e comportamentos”. Neste eido, Caballero sinalou que o cine inclusivo “é un avance nos dereitos humanos e na igualdade”.

    Doutra banda, o director do festival explicou que o certame “naceu coa vocación de facer visible o invisible” e salientou que “pese as adversidades non para de medrar, é cada vez máis ambicioso e conta con máis seccións”. Amais, Gonzalo Suárez destacou que este ano debido á crise sanitaria da covid-19 “había que dedicarlle o festival ao persoal sanitario”. Neste senso, nesta edición dáse unha maior puntuación na selección a todos aqueles audiovisuais nos que se dá a coñecer o traballo dos e das profesionais da sanidade e dos coidados. Amais, o cartel da V edición, deseñado pola artista viguesa Abi Castillo, tamén está dedicado ao persoal sanitario. E, pola súa banda, o certame será inaugurado co documental “De chaque instante” de Nicolas Philibert, sobre a vocación dos e das enfermeiros e enfermeiras.

    O Festival de Cine Inclusivo de Vigo, cuxas proxeccións terán lugar no Auditorio Municipal e nos Cines Salesianos,  ten como finalidade dar a coñecer, apoiar e valorar os proxectos cinematográficos realizados por e para a inclusión e a igualdade. Nesta quinta edición, como novidade o festival abriu un concurso de webseries inclusivas, que se poden votar a través da web, e tamén unha sección competitiva de longametraxes de ficción con temática inclusiva para reflectir a diversidade da nosa sociedade. Amais, o certame segue a apostar por dúas seccións competitivas, unha de documentais e outra de curtametraxes. Doutra banda, o festival tamén contará na súa programación con actividades paralelas ás proxeccións, como webinars e coloquios, que pretenden crear conciencia sobre a inclusión no seu aspecto máis amplo Por mor da pandemia, o festival tivo que reformularse para centrarse na seguridade das persoas asistentes. Ao respecto, tamén contará coas ferramentas postas a disposición pola Deputación no marco do protocolo común que impulsou con medidas de seguridade para os festivais de cinema da provincia.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS