19.6 C
Pontevedra
Venres, 12 de Xullo de 2024
Máis
    HomeÉ NoticiaSmartPeme oferta cinco novos obradoiros online para esta semana

    SmartPeme oferta cinco novos obradoiros online para esta semana

    Ata o 15 de abril o programa de asesoramento tecnolóxico oferta cursos sobre eventos en liña, blogs, sustentabilidade ou creación dunha páxina profesional

    A Deputación de Pontevedra, a través de SmartPeme, oferta esta próxima semana cinco novas accións formativas impartidas de xeito online, enmarcadas na carteira de obradoiros que se imparten de forma telemática. As accións versan sobre como emitir un evento en liña de xeito profesional –divido en dúas xornadas–, como mellorala presenza promocionando as entradas do teu blog, como mellorar a sustentabilidade dun establecemento turístico e de como crear unha páxina profesional.

    En concreto, este martes 13 impartirase o obradoiro Como emitir o teu evento en liña de maneira profesional VII – Crea con Canva e Photopea, estarán a cargo de Lara Taboada, Titulada Superior en Ensinos artísticos de Deseño Gráfico, quen falará da importancia dunha boa estratexia de comunicación empresarial en liña. No mesmo día, Laura Carrera, Graduada en Publicidade e Relacións Públicas, impartirá o obradoiro Mellora a túa presenza en liña promocionando as entradas do teu blog.

    O mércores 14, Mariana Rosa, Graduada en Turismo, impartirá Como mellorar a sustentabilidade do teu establecemento turístico, obradoiro que plantexará a definición de Turismo Sostible, falará da Axenda 2030 e das boas prácticas no eido do turismo.

    Para finalizar a semana, o xoves 15, será a quenda de Como emitir o teu evento en liña de maneira profesional VIII – OBS III a cargo Manuel Freire, experto universitario en Robótica e Impresión 3D, quen falará de todo o relacionado coa comunicación empresarial en liña. Por último, María Aller, Licenciada en Publicidade e Relacións Públicas, impartirá un taller titulado Crea unha páxina profesional con WordPress I, e falará das posibilidades que ofrece esta ferramenta.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.