17.6 C
Pontevedra
Luns, 15 de Abril de 2024
Máis
    HomeÉ NoticiaO Reina Sofía exhibe dúas obras do galego Uxío Souto cedidas polo...

    O Reina Sofía exhibe dúas obras do galego Uxío Souto cedidas polo Museo de Pontevedra

    O debuxo ‘Campo de concentración’ e a escultura ‘Oaxaqueña’ integran a súa nova sección ‘Pensamiento perdido: Autarquía y Exilio’

    O Museo Nacional Centro de Arte Reina Sofía exhibe desde hoxe dúas obras do artista galego Uxío Souto que lle foron cedidas temporalmente polo Museo de Pontevedra para formar parte da súa nova sección ‘Pensamiento perdido: Autarquía y Exilio’, dedicada a mostrar tanto o complexo contexto no que viviron os creadores que se viron obrigados a abandonar España trala Guerra Civil, como á produción artística realizada dentro do país durante a ditadura franquista.

    O préstamo, que se prolongará ao longo de 18 meses, inclúe a escultura en bronce ‘Oaxaqueña’ datada en 1942, e a augada en cor ‘Campo de concentración’, realizada en 1944 e que recolle unha escena dos prisioneiros republicanos españoles no campo de concentración francés de Barcarés, no que estivo internado o propio autor.

    “Este tipo de colaboracións entre institucións museísticas son habituais tendo en conta, ademais, o interese que suscita a nosa colección pola súa calidade e  dimensión”, subliñou o director do Museo de Pontevedra, José Manuel Rey, quen lembrou que “de feito, temos cooperado co Reina Sofía en distintas exposicións temporais e contamos cunha obra súa en préstamo”.

    Campo de concentración

    O Museo Nacional Centro de Arte Reina Sofía atópase actualmente traballando nun proxecto que permita reler a súa colección permanente para ofrecer unha nova interpretación dos seus fondos e ampliar a zona expositiva, reordenación que culminará a finais deste ano. Dentro desta acción atópase a apertura ao público hoxe deste terceiro episodio da súa colección, na cuarta planta do edificio Sabatini, no que se cobren dous elementos antitéticos, por un lado, as primeiras décadas do franquismo ata a Trienal de Milán de 1951; e polo outro, a fuxida dos republicanos e o seu exilio en países como Francia, México ou Porto Rico.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.