10.6 C
Pontevedra
Luns, 10 de Maio de 2021
Máis
    HomeÉ NoticiaO Museo organiza a súa 'semana lorquiana' con contacontos, unha mesa redonda...

    O Museo organiza a súa ‘semana lorquiana’ con contacontos, unha mesa redonda e unha ruta

    Trátase das segundas xornadas arredor do 25 de outubro, ‘Día de García Lorca en Galiza’, e estarán dirixidas por Polo Correo do Vento

    O Museo vai desenvolver dende o 20 ata o 24 de outubro a súa unha ‘semana lorquiana’. Trátase das segundas xornadas organizadas arredor do 25 de outubro, denominado ‘Día de García Lorca en Galiza’, e estarán dirixidas tanto a público infantil como adulto, sendo desenvolvidas por Polo Correo do Vento.

    Esta segunda edición que afianza esta data no almanaque cultural ampliando e axeitando a oferta lorquiana no Museo de Pontevedra saíu adiante tralo éxito da primeira edición. Neste caso, terase en conta a realidade da situación actual da pandemia provocada pola Covid-19, e as actividades realizaranse tendo en conta as medidas recomendadas para protexer a saúde de todas as persoas participantes (hixiene, menor aforo, actividades ao aire libre, alternativas de presentacións en vídeo…).

    As actividades comezarán o martes 20 con contacontos ilustrados para os colexios de Pontevedra. Nestas sesións de 60 minutos aproximadamente realizarase unha narración dirixida ao público infantil e ao tempo que se desenvolve un debuxo, ambas actividades vencelladas á presenza de Lorca en Galicia e aos fondos do Museo de Pontevedra. Na parte final, a rapazada asistente ilustrará ao poeta granadino nun obradoiro de debuxo.

    Xa para público adulto, celebrarase a mesa redonda ‘Federico García Lorca en Pontevedra. As iniciativas pedagóxicas e a revista Cristal’. Será o xoves 22 ás sete e media da tarde, e proporá unha nova achega da visita de Lorca á cidade de Pontevedra e vinculada á exploración de iniciativas pedagóxicas da época tan ligadas á visita da Barraca como as Misións Pedagóxicas e á revista Cristal.

    Na mesa estará a libreira e escritora Mercedes Corbillón como moderadora e participarán como relatores o historiador e crítico de arte Ramón Rozas, o editor e escritor Henrique Alvarellos e o escritor Xosé María Álvarez Cáccamo. Finalmente, o sábado 24 realizarase un roteiro titulado ‘Lorca e a revista Cristal’, que partirá  á unha da tarde dende a Praza de San Xosé. Consistirá nun roteiro explicativo pola cidade de Pontevedra en relación á publicación da revista ‘Cristal’, que se iniciará na Praza de San Xosé e rematará no Museo de Pontevedra.  O roteiro precisará de inscrición previa en gabinetedidactico.museo@depo.es.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS