22.1 C
Pontevedra
Martes, 4 de Outubro de 2022
Máis
    HomeÉ NoticiaO Museo de Pontevedra duplica o seu espazo expositivo no Culturgal

    O Museo de Pontevedra duplica o seu espazo expositivo no Culturgal

    O stand da institución museística provincial acollerá unha mostra con obras das persoas gañadoras de Novos Valores 2019 e 2020

    O Museo de Pontevedra vai participar cun apartado propio dentro da feira das industrias culturais Culturgal que este venres abre as súas portas no Recinto Feiral de Pontevedra. E farao duplicando o espazo expositivo co que contaba en anteriores edicións para expoñer varias obras das persoas gañadoras das edicións de Novos Valores en 2019 e 2020, poñendo así á vista do público pezas moi salientables da arte contemporánea local.

    Segundo explica o director do Museo Xosé Manuel Rey, nesta edición do Culturgal continúase a idea de apostar por divulgar o talento de novas e novos creadores como xa se fixera na edición de 2018, cando se expuxera unha escolma das obras do certame de Novos Valores de varios anos anteriores.

    Nesta ocasión estarán a disposición do público as catro obras que gañaron as bolsas en 2020: de Andrea Dávila Rubio, coa peza ‘I wish you’d rub your quills against my stomac’; Nuria Rodríguez Figueiredo, coa peza ‘Voltar’; María del Mar Ramón Soriano, con ‘Homeworks’; e Alejandro Rego Díaz, con ‘Representación nº3. La mano del artista’, tres creacións ‘escultóricas’ e unha composición fotográfica.

    A obra de Andrea Dávila Rubio ‘I wish you’d rub your quills against my stomac’ é unha creación de resina de poliéster, fibra de vidro e aceiro enmarcada dentro dun proxecto de investigación doutoral no que se examina a relación entre corpo, pel e escultura; ‘Voltar’, de Nuria Rodríguez Figueiredo, é tamén unha creación escultórica, neste caso de cerámica vidriada, que pode lembrar un altar cheo de elementos e símbolos representativos para chamar ao recordo dunha infancia perdida no tempo; ‘Homeworks. 58h 35 min’ é a proposta de María del Mar Ramón Soriano e pertence a un proxecto que fala do tempo, a forma de emplealo, os tempos industriais e acelerados contrapostos aos tempos artesanais, lentos e reflexionados; finalmente, a obra de Alejandro Rego Díaz é unha serie de nove fotografías realizadas entre os anos 2018 e 2019 presentadas en forma de políptico que pretenden reflexionar sobre a natureza da mirada humana ás obras de arte e de como esta pode afectar á maneira de mirar o mundo real.

    No caso das persoas gañadoras de Novos Valores 2019, a exposición do Culturgal 2021 inclúe catro das pezas creadas ao abeiro da bolsa recibida para ampliar estudos por parte de Mohamed El Amine Asselman, Elena Matamoro Gómez de los Infantes, Rosa Pardal Aragunde, e Alba Castillo Costa, todos eles estudantes, máster ou doutorandos na Facultade de Belas Artes de Pontevedra da Universidade de Vigo no momento de obter o recoñecemento do Museo.

    As obras expostas recollen o traballo para desenvolver o concepto ‘Ordensound’ co que gañou Asselman; a investigación da arte sonora “buscando os son interiores das cousas dándolle a oportunidade de sonar” por parte de Matamoro; o traballo para a creación de imaxes fotográficas que falan sobre a reflexión sobre construírse a si mesma “sen nada que agardar das opinións dos demais” por parte de Aragunde; e a formación en técnicas escultóricas específicas asiáticas, ademais de na pintura e na ilustración por parte de Castillo.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS