7.9 C
Pontevedra
Xoves, 29 de Febreiro de 2024
Máis
    HomeÉ NoticiaO incremento de contratos fixos en xaneiro en Pontevedra "primeiro síntoma do...

    O incremento de contratos fixos en xaneiro en Pontevedra “primeiro síntoma do avance social da Reforma Laboral” segundo o PSOE

    David Regades: “Coas medidas aprobadas en só tres anos polo Goberno de Pedro Sánchez hai máis emprego, mellores salarios e menos precariedade”

    O PSdeG-PSOE da provincia de Pontevedra asegurou onte que “é un día de felicidade” trala convalidación por parte do Congreso do Real Decreto Lei da Reforma Laboral, en vigor dende o comezo deste ano. O secretario xeral provincial, David Regades, acompañado polo deputado Guillermo Meijón; a deputada Olga Alonso e a senadora María Adrio, valorou os avances en materia laboral dun Goberno, presidido por Pedro Sánchez, que en “só tres anos fixo posible que haxa máis emprego, mellores salarios e menos precariedade tanto na provincia, como en Galicia e tamén en España”.

    Regades destacou que as cifras do mes de xaneiro evidencian xa os primeiros froitos dunha Reforma concibida para reducir a precariedade laboral. Así, do total de contratos asinados na provincia durante o pasado mes, un total de 5643 foron indefinidos, o que supón un 14 % sobre o total de contratacións provinciais. “Se os expertos falan de boas cifras de estabilidade cando soben do 6 % ou 7 % dos contratos, que podemos dicir!”. Regades lembrou que en xaneiro do ano pasado a contratación indefinida na provincia representou un 8%, polo que este ano, cos cambios lexislativos, produciuse un avance de seis puntos. “Hai máis de 5.000 familias nestas provincia na que un pai, unha nai, un fillo ou unha filla asinou un contrato estable dende a entrada en vigor da Reforma Laboral”, remarcou.

    Baixa o paro e crecen as afiliacións á Seguridade Social

    O secretario xeral provincial lembrou que dende que Pedro Sánchez é presidente o paro rexistrado na provincia reduciuse case un 10 % (de 170 065 persoas desempregadas que deixou Rajoy ás 153 932 actuais). As afiliacións á Seguridade Social medraron un 3 % (de 352 326 a 358 540) e o número de traballadores/as autónomos/as avanzou un 2,1 % (de 66 537 a 67 595). “Estas son as cifras que non gustan ao Partido Popular, pero que enchen de alegría e de sorrisos ao Partido Socialista, o partido dos dereitos sociais”. Tivo, ademais, palabras para o BNG, despois de que os nacionalistas negaran o seu apoio á Reforma Laboral, e preguntouse se Ana Pontón “é quen de mirar aos ollos da xente que ve como os seus contratos temporais se transforman en indefinidos”.

    Guillermo Meijón subliñou que só pola recuperación da ultraactividade dos convenios colectivos (vixencia indefinida ata novo convenio) eliminada polo PP xa tería pagado a pena apoiar esta reforma e volveu reivindicar o avance da supremacía dos convenios sectoriais sobre os de empresa.

    O fracaso do intento de “tamayazo” cos deputados de UPN

    A propósito do sucedido onte no Congreso, onde dous deputados de UPN cambiaron o voto despois de ter comprometido o seu apoio cualificouno como “tamayazo”. “Non só traicionaron aos partidos cos que tiñan negociado, senón ao seu propio partido; foi algo vergonzoso, escandaloso e patético”. Meijón criticou, ademais, a actitude das forzas progresistas que se puxeron de perfil, entre elas o BNG e revelou que “cando nun primeiro momento parecía que se derrogaba o Decreto Lei tiñan cara de espanto, como se estiveran pesando: que fixemos!”. Pero o deputado foi especialmente duro co Partido Popular por poñer en cuestión o resultado da votación a causa do “erro humano, que non informático” dun deputado popular, aínda que expresou as súas dúbidas sobre a verdadeira intención do sentido do voto deste deputado. Ademais explicou que o voto telemático está moi consolidado nas Cortes e o procedemento inclúe unha confirmación expresa validando un documento PDF “onde se explica claramente que vota cada quen despois de premer o botón do si ou do non”.

    A deputada María Adrio fixo unha enumeración de tódalas medidas en materia de avances laborais aprobadas polo Goberno e a deputada Olga Alonso expresou a súa decepción coas forzas progresistas que se opoñen aos avances sociais simplemente alegando que son insuficientes e obviando o complicado taboleiro político actual. “O importante é avanzar, se é posible con pasos axigantados, e se non, con pasos máis pequenos”, afirmou.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.